لقاء كارثي
لقاء كارثي
جدو و تيته امينه بصراحه كان ليهم دور في حياتي كبير و لو عيشت عمر فوق عمري مش هقدر اوفيهم حقهم بيحبوني متعلقين بيا ديما عايزين يريحوني يعوضوني و انا بصراحه معاهم بكون مبسوطه
نغم….ربنا يخليهم ليكي يارب و يسعدك
رهف…يارب بقولك ايه احنا هنقلبها غم ليه انسي بقي و المهم افتكري كلامي كويس ديما و هقولهالك تاني ركزي مع القمر عشان والله معجب
نغم….بضحك انتي مجنونه والله
فضلوا يضحكوا مع بعض و يتكلموا و شويه وراحوا قعدوا مع نسمه وتقي و شويه كمان و ايه و سلمي و نعيمه وباقي البنات اتجمعوا في اوضه تقي ونسمه قعدوا يرغوا ويضحكوا من فرحتهم لا كان حد عايز ينام ولا حتي يرتاح و الشباب كمان كانوا زيهم خارجين داخلين و الدور كله بتاعهم ابواب غرفهم مفتوحه و عمالين يهزروا مع البنات و هما ماشين قدامهم.
عشري خرج مع فضل وقف يهزر مع البنات شويه الشباب كلهم خرجوا علي صوت هزارهم وضحكهم
وبعدين راح علي اوضه ليله مكانتش معاهم كان معاه المفتاح فتح براحه ودخل لقاها واقفه في البلكونه ثدام البحر بتشرب سيجاره و معاها قهوه
عشري….بتعملي ايييييييه
ليله….بابتسامه يا شيخ حرام عليك خضتني
عشري…سلامتك من الخضه بتعملي ايه هنا وساببه جوزك هايص مع النسوان
ضحكت ليله وباسته من خده
ليله….اعمل في ايه طيب نسوانجي و عينه زايغه
عشري….بضحك ضمها من ضهرها طالع لابوه وراثه بقي
ليله…..ياسيدي مش انت مبسوط خلاص
عشري…بصلها بضحك ومسكها من رقبتها بت يا بلطجيه هو انتي مش بتغيري عليا ولا ايه
ليله….بابتسامه جميله بغير طبعا و غيرتي وحشه كمان انت مش قدها يا بلطجي
عشري….لا يا شيخه امال ايه بقي عاكس يا عشري بس تكون حلوه يا عشري اتبسط يا عشري فين يا بت الغيره
ليله…..بضحكه جميله عليه وهو بيقلدهل مش يمكن واثقه فيك يا بلطجي زياده عن اللزوم و عارفه انك متعملهاش
عشري…لا اعملها بقي وانا يا ستي نسوانجي و وسخ كمان اديني بعترف خدي بالك من جوزك بقي عشان عينه زايغه ولسانه حلو مع الحريم
ليله….بحب انا لا يهمني عينه و لا لسانه انا يهمني قلبه و عارفه ان مفيش غيري فيه طز بقي في عينك ولسانك
عشري….بابتسامه تجنن و غلاوه ليله لا عيني بتشوف غيرك و لا لساني بيقول اللي بيتقالك و قلبي انتي عارفه حكايته كلها و معاكي مفتاحه
