لقاء كارثي

شيرين….لا هي مش ثاعده في توينز بيكملوا التاسع عادي بس عشان ماشاء الله انتي تلاته فا هيبدأوا يضغطوا علي الحوض عندك فا ممكن متلحقيش الا بقي لو انتي مرتاحه لان الحركه الكتير بتساعد علي الولاده السريعه

نادين….بضحك دي مش بتقعد اصلا انا مرعوبه تولد هنا والله

ايمي….بضحك بصراحه الايام اللي فاتت مكانش فيها راحه ولا قاعده كل الافراح والتجهيزات كانت وراء بعض و بصراحه انا طول عمري مش بعرف اقعد في مكان و متعوده علي الشغل والنزول والطلوع

شيرين….انتي عامله زيي بس هو غلط يا ايمي يعني كل ما تقعدي في فتره الحمل اكتر كل ما بيكون افضل عشان صحتهم

ايمي….هما لو اتولدوا في السابع ممكن يبقوا تعبانين

شيرين….لا خالص متخافيش بس الفكره لما بيقعدوا وزنهم بيبقي اكبر بياخدوا وقتهم فهماني بتتخطي بقي موضوع الحضانات و الحجات دي بس متقلقيش مش الدكتور بتطمنك علي صحتهم و وزنهم كل مره بيزيد شويه

ايمي….بضحك اه الحمد لله اتنين فيهم كيلو الا ربع وواحد منهم 650 جرام مجابوش اربعه كيلو لسه اقل ديك رومي زوزو بتعملوا عشره كيلو هما مجابهوش

ضحكوا هما الثلاثه

شيرين….يا خرابي علي الصغنين طيب انتي مش بتاكلي ولا ايه

ايمي….والاه باكل يا شيري بس الدكتور بتقولي وزنهم بالنسبه انهم ثلاثه وكمان انا لسه في الخامس كويس

نادين….بتكذب علي فكره مش بتاكل يعني نفس اكلها العادي

شيرين….لا بصي لازم تهتمي علي قد ما تقدري مش عشانك عشانهم لو خايفه ان وزنك يزيد و جسمك يبوظ كل ده بيتبط بعد ما تولدي بس الافضل الوقت تهتمي بكل التفاصيل دي عشان لو ولدتي في السابع انتي قدامك شهرين علي الاقل يكون كل واحد فيهم اتنين الا ربع حتي يتشالوا بدل ما هما صغيرين كده

ايمي…..ماشي والله اما اشوف اخرتها معاهم عموما انا مبسوطه اوي انك معانا و اني شوفتك هروح بقي ارتاح شويه و اكيد هنقعد و هننم مع بعض للصبح

شيرين….بضحكه جميله طبعا ده انا متحمسه جدا للقاعده معاكي انتي والبنات

ايمي….حبيبه قلبي يلا هسيبكم بقي

نادين….ماشي يا ايمي

شيرين…. جميله ايمي

نادين…..بابتسامه اه تجنن

شيرين….هي فين ليله

نادين….ليله اكيد كالعاده بتلف علي الغرف و تطمن ان الكل مرتاح ومبسوط ومش ناقصه حاجه

شيرين….جميله ليله برضوا حبيتها اوي من اخر مره شوفتها