لقاء كارثي

و قررت في اليوم ده اصعب قرار في حياتي اني اخرج البني ادم ده من حياتي اصلا حاول معايا كتير و قالي كتير اوي خلاص انا موافق و هعرفهم كل حاجه بس انا كنت قفلت كسر جوايا حاجه مكنتش احب تيجي منه اهلي مهما كانوا غلطوا مينفعش اتحمل غلطهم
حتي لو وحشين و شياطين مينفعش اتعاير بيهم و اسكت وخديها قاعده في حياتك يا نغم حتي لو اهلك وحشين مش بتحبيهم متسمحيش لاي مخلوق يتجرأ بالكلام عليهم لان قدام شويه ممكن يشوفوا ان الكلام عليهم عادي في وشك وانتي قبلاه شويه و هتبقي معايره وسط خناقه و هتلاقي نفسك عماله تشيلي في حجات ملكيش يد فيها شوفي نفسك علي اي حد شوفي انك احسن حد في الدنيا افضلي غاليه في عين نفسك و مش مكسوره عشلن اللي قدامك يضطر غصب عنه يشوفك بعين نفسك فهمتي

نغم …بابتسامه فهمت بس هو بصراحه انا مصدومه فيكي

رهف….اشمعني

نغم….انا نظرتي فيكي من البدايه مجنونه مطرقعه جيبتي العقل ده كله منين

رهف…بضحك انا مش شخصيه معقده يا نغم انا حد عادي بيحب الضحك الهزار الجنان الهيبره بحب اتعامل بتلقائيه و اوقات كتير عشوائيه بس شخصيتي وكرامتي وعيلتي خط احمر

نغم…..انتي عمرك ما زعلتي ان بباكي ومامتك انفصلوا يا رهف

رهف…لا زعلت و زعلت كتير اوي بس زمان وانا صغيره لحد اعدادي مثلا و كنت بغير من اخواتي من ماما لما كنت بشوف معاهم بباهم و بغير من اخواتي من بابا وهما مامتهم معاهم بس انا صغيره و كان غصب عني هما عايشين مع ام واب و انا مع امي شويه و مع ابويا شويه

بس لما بقيت اكبر كل ده شيلتوا من حياتي و من تفكيري خلاص هما بخير و اختاروا حياتهم و عملوا عيله اكيد يعني مش هعترض او احب انهم ينفصلوا تاني و اخواتي يبقوا زيي و بعدين انا مرتاحه سواء مع ماما او بابا متدلعه تحلي دلع الاتنين بيتسابقوا مين فيهم يفرحني اكتر هلاقي فين دلع زي ده

نغم….بابتسامه طيب مين فيهم اقربلك

رهف….بصراحه الاتنين والله هما صحابي جدا و بحبهم ابويا ده اطيب حد في الدنيا هو صحيح نسوانجي وميتعاشرش بس هدي كتير عن الاول

ضحكت نغم

رهف….اه والله يعني ده كان سبب انفصال امي منه بصي ابويا في كل حاجه حلوه بس هو حياة المتجوزين والروتين دي طول عمره مش بيحبها ومش بيعرف يعمل اسره يمكن حياته مع كارين مختلفه و زي ما قولت بقي اهدي كتير بس عايزه اقولك اللي كان سبب في حياتي انها تكون هاديه و جميله