لقاء كارثي

رهف…..لا ادام اتصلحت مش هتقع متخافيش

نغم…..تعبتك معايا يا رهف

رهف…..تعبك راحه انا عملت ايه بس

سمعوا الباب بيخبط قامت رهف فتحت

رهف…تعالوا يا بنات

نسمه…لاقتوها

تقي….ايه يا نغم لاقتيها

نغم…اه الحمد لله كانت في الهدوم

تقي…يالهوي دي معيطه و الله خرجت من الشاور دورت عليها مع نسمه كنت خايفه متلاقيهاش

رهف….احنا نزلنا تحت و دورنا وفي الاخر لاقيناها في هدومها

تقي….طيب الحمد لله يالهووووي دي معيطه خالص

نغم….بابتسامه كنت خايفه تكون وقعت في الشارع

تقي….الحمد لله خدي بالك منها بقي بعد كده

نغم…هصلحها ومش هلبسها تاني

نسمه….هي اتقطعت ؟

رهف…ايوه غالبا وهي بتقلع اتقطعت

نغم…انا والله ماحسيت ان هي اتقطعت اصلا

تقي…مش مهم فداكي الحمد لله بسيطه المهم انك كويسه

نغم…الحمد لله معلش عملتلكم دوشه

تقي…لا طبعا بطلي هبل انا كنت باخد شاور والله لما نسمه قالتلي جيت اطمن

نغم….حبيبتي يا تقي

تقي…بطلي عياط بقي ويلا ارتاحوا شويه

رهف….ماشي يلا روحوا انتوا كمان ارتاحوا

تقي….اوك يا قلبي يلا باي

خرجوا البنات و بصت رهف لنغم وابتسمت

رهف….ااا واضح ان انتي غاليه عند تامر اوي

بصتلها نغم بتوتر وابتسمت

نغم…اااا عادي يعني ليه بتقولي كده ؟

رهف….بضحك وانتي ليه اتوترتي كده ؟

نغم…لا عادي بس حسيت سؤالك في حاجه

رهف….لا بس يعني حسيت انه مهتم من اول ما نزل تحت و قرب علينا و هو قلق عليكي بجد لما شافك بتعيطي و كان باين عليه في طريقه التدوير بتاعته مش بيدور كده عادي هو بيدور و عايز يلاقيها بجد

نغم….طيب ما نادر و فضل و حتي عشري كانوا بيدوروا وبيبصوا في الارض

رهف…..حصل بس طريقته هو جايز كان فيها لهفه اكتر كملت بابتسامه صراحه بقي في بينكم حاجه

نغم….لا خالص ايه اللي انتي بتقوليه ده مفيش الكلام ده خالص

رهف….هو عيب يعني يكون في بينكم حاجه

نغم…لا طبعا مش عيب بس لو في حاجه هقول ليه هخبي

رهف….ولا حتي اعجاب علي فكره انا قولت قدامكم كلكم بكل صراحه اني بكراش علي نادر

نغم…بضحك طيب بصي هو صدقيني مفيش حاه بينا كل الحكايه انا ليا حكايه كبيره اوي يا نغم جايز انتي متعرفيهاش بس الاغلبيه تقريبا عرفوها

رهف……حكايه ايه مش فاهمه؟

نغم…انا اتحطيت في ظروف يا رهف اجبرتني اني اسيب بيت اهلي و اهرب و اتعرضت لحجات كتير اوي و الصدفه وقعتي في طريق تامر وايه كانوا مع بعض في اليوم اللي قررت اهرب فيه و فجاه لاقيت نفسي بجري عليهم عشان ينقذوني