لقاء كارثي

نادر…..طيب امته اخر مره شوفتيها في رقبتك

نغم….بدموع انا مش فاكره خالص بس انا عموما مش بقلعها ابدا انا فجأه ملقتهاش

عشري……طيب لحظه انا هتصل علي تامر جايز تكون في السياره

رهف…ايوه صح انتي كنتي راكبه معاه

فضل…..لا تبكي ان شاء الله بنلاقيها

هزت نغم راسها و هي بتمسح دموعها قربت منها رهف طبطبت عليها

رهف….هنلاقيها متعيطيش

نادر…..بصي لو مش في العربيه و متأكده انك كنتي لبساها لحد ما وصلنا هنا ممكن نراجع الكاميرات

نغم…انا بصراحه مش فاكره ولا خدت بالي خالص مش بركز اصلا لانها علي طول في رقبتي انا اتفاجئت الوقت بس انها وقعت

عشري……هلا تامر فينك انت

تامر….معلش كنت باخد شاور في حاجه ولا ايه

عشري…تعرف تنزل وتجيب مفتاح سيارتك

تامر….حاضر عيني في حاجه ولا ايه ؟

عشري…لا لا لا تخاف بدنا نشوف شي

تامر…..طيب حالا هجيلك

عشري….زين بتلاقيني في اللوبي

تامر…ثواني واكون عندك

عشري قفل معاه وبص لنغم

عشري…..لا تبكي بنلاقيها الوقت اكيد في السياره

فضل….شوفتيها مكان السيارات

نغم…لا انا مروحتش هناك

رهف….احنا دورنا بس فوق في الغرف و الطرفه و الاسانسير وهنا مش موجوده

نادر…..ان شاء الله تبقي مع تامر في العربيه

عشري…..اهو وصل

لمحهم تامر من بعيد و لما قرب شويه حس انها معيطه مكانش فاهم في ايه قرب وهو عينه عليها وعليهم

تامر….خير يا عشري في ايه مالك يانغم انتي معيطه

نزلت دموعها تاني وفضلت بصالوا

عشري…سلسلتها مش لقياها

فضل……شوفها في سيارتك جايز تكون وقعت منها

تامر….سلسله مامتك ؟

نغم….بدموع ايوه

تامر… طيب تعالي تعاي معايا المفتاح انتي لسه واخده بالك

رهف….ايوه هي كانت بتاخد شاور و ملقتهاش دورنا عليها فوق و تحت وفي كل مكان وقفنا فيه بس مش موجوده مفيش غير عربيتك

عشري….اذا ما لقتيها بنراجع الكاميرات نتأكد وصلتي بيها او لا

فضل….والله حاسس انها سابتها في البيت اصلا افتركي يا نغم

نغم….بدموع انا مش بقلعها والله عمري لو متعوده اقلعها هقول جايز نسيتها بس انا مش بقلعها

قربوا من العربيه فتح تامر الريموت و فتح الباب اللي جنبه فضل يدور هو ونادر و فضل مكانش ليها اثر

وقفت علي جنب بهدوء و هي عماله تعيط و رهف تطبطب عليها كان عمال يبصلها ومش عارف يعملها ايه هو عارف كويس السلسله دي عندها ايه