لقاء كارثي

يعني هما عرفوني بيكي بطريقه تجنن و مقنعه الكل بيتعامل معاكي بطريقه تجنن حتي انكل احمد بيحبك بجد وبيعتبرك بنته و قريبه ليه اوي فا الناس اللي تتعامل معاكي كده حتي وهو عارفين ماضي اهلك مظنش ابدا ان دي تبقي عقليتهم

نغم…بصراحه هما بيتعاملوا علي اني واحده منهم

رهف…بالظبط يعني انتي مش بالنسبه ليهم مجرد حاله ساعدوها و خلصت خلاص لا انتي بقيتي واحده منهم

نغم….بس مش واحده نسبها يشرف يا رهف

رهف….بصي يا نغم انا جدو قال حاجه قدامي قبل كده عمري ما فهمتها بس جايز تكون تنطبق عليكي جدو في مره قال قدامي ان الشراكه في الشغل زي النسب لو النسب ميشرفش عمره ما هيدوم و لو الشراكه في الشغل مفيهاش ثقه هتفشل وزي ما بنختار النسب لازم نختار الشريك اللي نستأمنه في شغلنا لان الشغل ممكن يكبر بالفلوس لكن مش هيكمل غير بالثقه

و انتي يا رهف بقيتي شريكه ليهم و اظن لو هما مش مستأمنينك او خايفين منك مش هتبقي شريكتهم

كنتي هتلاقي اللي يقول لا مش معني اننا وقفنا معاها انها تبقي شريكه لينا و دي مش عقليه البنات ولا عقليه اي حد في كل اللي حواليكي و بعيداًبقي عن تامر او عن كل اللي حواليكي دول

اي حد ممكن ترتبطي بيه لو بجد عرف اي حاجه او حتي انتي قولتيلوا قبل ارتباطك بيه و مشافكيش بنظره تبهرك و حسسك انك مهما كان عندك من مشاكل انتي اغلي حاجه متكمليش

نغم….هو صدقيني مفيش حاجه بينا خالص انا بس بتكلم معاكي في العموم

رهف….عارفه بس اوعي تفكري بالطريقه دي اوعي تشيلي ذنب حاجه انتي معملتيهاش واوعي في يوم تتكسفي او تتحرجي او تقللي من نفسك عشان غلطه اهلك عملوها بالعكس ارفعي راسك و شوفي نفسك احسن واحده متقلليش من نفسك شوفي يا نغم انا صحيح عمري ما ارتبطت بس حبيت

و حبيت حب كبير اوي كمان و علي فكره هو كمان كان بيحبني انا كنت اعرفوا من ثانويه عامه هو كان اكبر مني بثلاث سنين و كنت بتمني اليوم اللي اخلص في دراسه عشان ارتبط بيه و هو كمان بس في مره لاقيته جاي بيقولي حاجه غريبه اوي كانت السنه اللي فاتت كنت في ثالثه جامعه علي فكره ماما كانت عارفه وحكيتلها كل حاجه حتي بابا وعلي فكره انا و بابا صحاب جدا

قالي خلصي دراستك بس و هجوزهولك ادام بتحبيهي وهو محترم وشاريكي كنت مبسوطه اوي بس في يوم وليله كل حاجه اتغيرت و قفلت الموضوع بلا رجعه