لقاء كارثي

رهف…..بابتسامه سعاده لا استني الله ده اكشن ده انتي بتهرجي

نغم….بضحك لا والله هي حقيقي حكايتي قريبه من الاكشن بس ده اللي حصل قصه كبيره كده بصراحه انا مش حابه اتكلم فيها لاني بضايق لما بفتكرها

رهف….لا لو مش حابه تحكي خلاص انا صحيح فضوليه بس مش للدرجه

نغم….مش حكايه مش حابه احكي انا بس مش حابه افتكر بس باختصار انا خالتي كانت شبه حبساني و لما هربت رجالتها جريت ورايا ولاقيت نفسي فجأه بدخل عربيه ناس معرفهاش و بصرخ وبقولهم اطلعوا بسرعه و الناس دي كانوا تامر وايه

انا مكانش ليا حد خالص يا رهف وده بجد من اليوم ده بقي ليا عيله واهل واصحاب واخوات فضلت معاهم اكتر من شهرين حياتي بجد اتغيرت زي طفل لسه بيتعلم المشي شوفت معاهم كل حاجه حلوه

اتعاملت منهم معامله في حياتي مشوفتهاش واتعلمت منهم كتير

محدش فيهم قصر معايا حتي صحاب البنات نادين وليله وايمي و نعيمه كلهم كانوا بميت راجل بجد وقفوا معايا دعموني جابولي شغل شجعوني اعتبروني واحده منهم بقيت معاهم في كل حاجه و الشباب كمان ابتسمت بهدوء حتي عمك عشري كان ليه دور في حكايتي

بصي باختصار شديد هما اعتبروني اخت صغيره صاحبه حد من العيله و تامر زيهم لاني عيشت معاهم فتره مش قليله و حتي لو قليله بس حصل في الفتره دي احداث انتي مش متخيلاها لحد ما وقفت علي رجلي رجعت حقي بقيت بني ادمه بقي عندي بيت و فلوسي معايا ليا شغلي بس الحقيقه اني كسبت الاهم من كل ده بابا احمد تامر سلمي وايه البنات الشباب و اي حد من طرفهم كان بالنسبالي مكسب في حياتي

رهف…..بصي هو انا تقريبا مفهمتش حاجه بس واضح ان كان في مغامره كبيره وانك تعبتي بجد

نغم….فوق ما تتخيلي يا رهف انا عيشت حجات مش بتاعتي مش سني مش ماشيه مع شخصيتي حجات اقوي مني بكتير بس هما ربنا بعتهم ليا يمكن عشان كده انتي مستغربه طريقه تامر معايا

رهف….مش حكايه مستغربه بالعكس اغلبنا بيتبسط اوي لما يلاقي اهتمام خصوصا لما يكون محتتج الاهتمام ده بجد بس يعني بعيدا عن كل اللي قولتيه ده هو بجد تامر مهتم بيكي مش عارفه انتي ملاحظه ده ولا لا فعلا بس انا يمكن مكانش ليا علاقه قبل كده لكن اللهفه والحب والاهتمام بيظهروا جدا

نغم….ببتسامه مش جايز يكون بيعتبرني زي ايه وسلمي

رهف….ميتهيأليش شوفي هو حتي لو اعتبرك زي اخواته فا دي حاجه حلوه وتعويض لاي وجع مريتي بيه بس طريقته متقولش كده خالص انتي بجد مش حاسه ان طريقته معاكي مختلفه