لقاء كارثي

نغم….طيب ليه

رهف….عشان انا طول الفرته اللي كنت بحبه فيها دي كنت بشوف مامته بباه عادي يعني من بعيد لبعيد عمري ما حصل بيني وبينهم كلام كان بيعرفني عليهم علي اني واحده من صحابه عادي فكان كل حاجه تمام بس لما السنين عدت وخلاص كنت في ثالثه جامعه و المفروض قدامي سنه لاقيته جاي بيقولي انا هفاتح اهلي في موضوعنا حتي نتخطب لحد ما تخلصي كنت طايره من السعاده لحد ما كمل كلامه قالي بس عايزك تقولي ان مامتك و بباكي لسه منفصلين من قريب مش من زمان و ياريت تعرفي كمان مامتك و بباكي يقولوا كده

استغربت قولتلوا يعني ايه ؟ انا ابويا مخلف و امي مخلفه كل واحد فيهم من حد تاني

قالي ما انتي تفهميهم ميجيبوش سيره اي حاجه زي دي ولما نيجي نتقدملك هنتقابل في اي مكان بره يعني نتجنع في مكان شيك يتكلموا يلبسوني الشبكه و خلصت كده و نفضل علي موقفنا لحد كتب الكتاب لا بابا يظهر كارين و ولاده قدامهم ولا حتي ماما كنت مصدومه ومش فاهمه حاجه قالي بعد كتب الكتاب هتكوني مراتي ومحدش ليه دعوه حتي لو عرفوا هلاص هنبقي اتجوزنا فا سالتوا وابه مشكلتهم انهم انفصلوا و اتجوزوا وبقي معاهم ولاد قالي انا اهلي مش بيحبوا كده و ليهم عقليه خاصه و بيخافوا وبيعتبروا ان ده تفكك اسري وان البنت ممكن تعمل زي امها و ان وان وان كنت مصدومه بجد انه اصلا قالي حاجه زي دي فكره اني اروح اطلب من بابا وماما يكدبوا و فكره اني اقول لبابا خبي مراتك و ولادك وماما خبي جوزك و ولادك كانت مستحيله انا نفسي مقدرش ابني حياتي علي كدبه و اصلا ليه اعمل كده امي وابويا انفصلوا بارادتهم و حياتهم بقت شبه مستحيله مع بعض و كل واحد فيهم عمل اللي يريحوا وفي النهايه اتجوزوا معملوش حاجه غلط او حرام يبقي ازاي تطلب مني اصلا طلب زي ده لما شافني قلبت واتغيرت وخدت موقف قالي انا مش فارق معايا كل ده بس دي عقايه اهلي وانا حابب احافظ عليكي قولتلوا و انا مفيش حاجه تعيبني او تعيب اهلي و حتي لو دي عقليه اهلك انا مستحيل ابني معاك حياتي علي كدبه لان لو بجد دي عقليتهم لما هيجي وقت ويعرفوا هتبقي مشكله كبيره و انا اصلا ليه اتحط في موقف اني خايفه يعرفوا او اتحرج لما يعرفوا كأني عامله عامله

وليه اصلا انت تحطني في موقف زي ده المفروض لو انت راجل بجد يعتمد عليه و مسؤول هتبقي صاحب قرار و اهلك مهما كانت عقليتهم مش هيخلوك تلجأ للكدب ادام انت شاريني