لقاء كارثي

ليله…واي برنامج شبابي مش بينجح في التلفزيون لان محدش بقي يتفرج الكل في ايده الموبايل

مصطفي…..فا بيتعرض بقي من خلال قنوات عاليوتيوب او مقاطع علي تيك توك الميديا يعني و مفيش شباب الوقت مش اربعه وعشرين ساعه في ايدهم الموبايل

عشري….ايوه بس ده مربح

ليله…طبعا مربح واكتر من التلفزيون كمان

مصطفي…. الميديا في التسويق للبرامج اللي زي كده مربحه اكتر بكتير يا عشري

عشري….بس في برامج بود كاست بتتعرض عادي

مصطفي…مفيش واللي بيتعرض بيفشل الا لو كان لحد كبير او حد ليه اسم

عشري…..طيب انا بشوف ابراهيم فايق علي فكره و ناجح و دمه خفيف

مصطفي….اه. ابراهيم فايق معروف ومشهور و مع كل ده مش بيتعرض الا علي يوتيوب

عشري…ازاي يوتيوب لا ده برنامج

ليله….البرنامج بتاعه الرياضي انما البود كاست ده علي اليوتيوب بس

عشري…مش بيتعرض

ليله…لا طبعا الحلقات بتنزل علي اليوتيوب علي طول

عشري….بابتسامه واضح ان انا قديم اوي

مصطفي….لا مش قديم انت بس مش متابع

عشري…طيب برضوا مش فاهم انت قصتك ايه في كل ده ليه لازم تعمل ڤديوهات

مصطفي….هو مقالش لازم هو حابب اني اعمل جمهور او قاعده جماهيريه حتي لو بسيطه يعني يوم ما ابدا مشروع زي ده يبقي في ناس تعرفني ميقتصرش الموضوع علي المعارف الصحاب او احنا كده بس لان مش معقول كل حفله انتوا بس اللي هتبقوا معايا و لو مره عرفتوا كلكم مره تانيه مش كلكم هتبقوا موجودين

ليله….انا معاك في اي حفله..

مصطفي …والله انتي قلبي يا ليله بس هو الراجل بيتكلم صح بصراحه

عشري….ياعم لو عالتسويق هنظبطك متقلقش و بص انت شيل من دماغك فكره ان اول كام حلقه يضربوا او بلاش يضربوا يعني انهم يبقي فيهم جمهور كبير و مش معروف

مصطفي….هو قالي كده اصلا قالي اول عشرين حفله هتعب فيهم مع بعض

ليله….ان شاء الله مفيش عشرين حلقه دي انت بس نزل اول حلقتين و ملكش دعوه هنظبطك و برضوا هتحط في التيك توك المقاطع بتاعت الحفله

مصطفي…اكيد ان شاء الله

عشري…هتظبط وهتكسر الدنيا انا واثق فيك

مصطفي….الحق اشبع مني بقي عشان لما اتشهر مش هتعرف توصلي

عشري….بصحك يلا يا خـ

ليله….بضحك جيبته لنفسك

جري مصطفي من جنبهم بسرعه وهو بيضحك

عشري….عيل واطي

ليله….بضحك مصيبه ده والله

…………….