لقاء كارثي
لقاء كارثي
استلم ميدو مفاتيح الغرف زي الكروت كده و راح عليهم لمح من بعديد شيرين وعاصم جايين و كان عامل مفجأه لنادين اخوها و اختها من شيرين كانوا معاها و محبش يقولها عشان خاف ان شيرين متقدرش تجيبهم
كانت قاعده نادين بتضحك وبتتكلم مع البنات و قاعدين كلهم مع بعض
عسال….بابتسامه نودي
بصتلوا نادين براحه بابتسامه هاديه
عسال….ابتسم و شاورلها بعينه عليهم من بعيد شوفي مين جه
بصت وكلهم بصوا قامت بسرعه و هي مصدومه و فرحانه في الاول مركزتش مع اخواتها شافت بس امها وابوها و بعد كده لما شافتهم ماشيين خطوه بخطوه جنب شيرين بصت لميدو بصدمه وهي دموعها نازله
ابتسم ميدو بهدوء و مدلها كفه عشان يخرجها من وسطهم
البنات كانوا مبسوطين اوي و الكل مبسوط عشانها خرجت نادين بسرعه و هي بتعيط اول حاجه علي شيرين حضنتها اوي وهي بتعيط
شيرين….ياروح قلبي انتي يا عمري مبروك يا احلي عروسه في الدنيا كلها كملت بتأثر بصي هتعيطي هعيط
نادين…بدموع وحشتيني يامامي
شيرين….وانتي وحشتيني اكتر يا قلب مامي
فضلت ماسكه فيها و بتحضنها وشيرين عماله تبوسها و تضم فيها بتأثر
وبعدين خرجت من حضنها بصت لعاصم كان اقرب ليها بصلها بتاثر وابتسم
حضنتوا و فضلت تعيط جامد
عاصم…..وحشتيني يا روح قلبي مبروك يا عروسه
قرب ميدو سلم علي شيرين واخوات نادين
نادين….بدموع وحشتني اوي كنت خايفه متجيش
عاصم….مقدرش انا وعدتك في الفرح هكون معاكي بص لميدو وابتسم و بعدين انتي جوزك زنان يعني انا لو مش هعرف اجي هاجي مخصوص بسبب زنه
ابتسمت نادين وبعديت عنه و بعدين بصت لشيرين و لاخواتها عيطت اكتر
شيرين…..بابتسامه تاثر كان لازم يجوا يشوفوكي وانتي عروسه
فضلت نادين تعيط و هي عماله تبص لميدو
شيرين…..مروچ يلا سلمي علي اختك
بصتلها نادين وكانت ميته من العياط قربت منها بهدوء ضمتها
نادين…..ازيك يا مروچ انتي مش فكراني صح
بصتلها مروچ بهدوء وابتسمت
مروچ….لا بشوف صورك و بكلمك لما بتكلمي مامي انا فكراكي
نادين….بدموع وجع ضمتها تاني
انتي بقيتي حلوه اوي
مروچ…..وانتي كمان
بصت نادين لجاسم و فضلت تعيط وتمسح دموعها زي الاطفال بصلها بأبتسامه وقرب منها بهدوء ضمها في حضنه
فضلت نادين تعيط في حضنه عياط فظيع كان ماشاء الله شاب مش صغير ولا لايق عليه سنه خالص كانت في ايده صغيره لدرجه انها اتصدمت انه كبر كده
