لقاء كارثي

نادين…. ثلاث سنين يا ميدو انا كنت فاكره اصلا ان جاسم عنده 15 سنه يعني مركزتش كان صغير

عسال…. بابتسامه بقي اطول منك ماشاء الله اهو وزي القمر طالع لاخته

ابتسمت بسعاده وتأثر

عسال…المهم قالتلي خلاص انا هقولهم لو حابين يبقي يذاكروا و كده كده جاسم ما هيصدق لانه نفسه يجي مصر قولتلها اوك بعدها كلمت بابا هو مكانش عنده اعتراض بس للاسف مكانش هينفع لان زي ما قالك كده مراته مسافره بره وكانوا هيقضوا الويك اند بره و المفروض ان هما سبقوه كنت اتمني اقدر اجمعك باخواتك كلهم بس غضب عني والله معرفتش اجيبهم كلهم

نادين….خالص والله كفايه اوي اللي انت عملتوا ده و انا مبسوطه والله وجدا كمان

عسال….ودي اهم حاجه عندي يا نادين انا وعدتك اني عمري ما هعمل غير اللي يبسطك ويسعدك و ربنا يقدرني اكون قد ثقتك فيا

نادين…..وانت عارف اني بثق فيك اكتر ما بثق في نفسي انا نفسي اقدر اردلك ولو جزء بسيط من اللي انت بتعملوا معايا

عسال….كفايه تكوني جنبي و متبعديش عني و كده تبقي عملتي معايا اكتر بكتير من اللي انا بعملوا

نادين….بحب انا معاك غصب عنك عشان انا مقدرش اعيش من غيرك

عسال….بحب ضمها اوي ربنا يخليكي ليا يا احلي و اغلي بنوته في الدنيا

ضمتوا اوي و بعدين بعدت عنه وبصتلوا

نادين….ميدو هو بابي قالك هيمشي امته

عسال….هو قاعد معاكي اربع ايام و شيري قاعده الاسبوع كله

نادين….بسعاده طب احلف

عسال…. وغلاوة نودي

نادين…انت متأكد ان بابي قاعد

عسال…. والله العظيم قاعد هو كان متفق معايا علي كده من الاول لما قربنا معاد الحجز قال هيقعد خمس ايام وصل امبارح بليل وانهارده يعتبر اول يوم ليه هيقعد كمان ثلاث ايام ادي اربعه هيسافر في الخامس

نادين….طيب هيرجع معانا يعني ولا هيفضل هنا

عسال…..لا طبعا هيرجع معانا انا حاجزلهم اصلا في فندق في مدينه نصر عشان يبقوا قريبين منك

نادين…..بابتسامه تاثر كمان انت عامل حساب كل حاجه

عسال….طبعا امال كنت بعمل ايه الفتره اللي فاتت

نادين….يارب يكون ربنا بيحبك اوي يا ميدو

عسال…. بضحكه جميله علي الدعوه الطفوليه اللي دعتها ايه الدعوه دي

نادين….بضحك ماهو انا مش عارفه اقولك ايه يعني اكتر حاجه حلوه في الدنيا ان ربنا يكون بيحبك و انا عايزه ربنا يكون بيحبك