لقاء كارثي

عشري….ارفع الدواسه يا نادر جايز تكون دخلت تحتها

نادر….شوفت والله مش لاقي

فضل….خلينا نراجع الكاميرات يعني لو داخله من غيرها يبقي وقعت لما كنا واقفين مع بعض عند زوزو او وقعت في البيت

تامر….انتي اتحركتي كتير عند زوزو مع البنات ممكن تكون وقعت في البيت

نغم…بدموع مش عارفه

عشري……طيب لا تبكي خلينا نطلب منهم يراجعوا الكاميرات

قفل تامر العربيه و راحوا تاني علي جوه

تامر….بهدوء و همس نغم انتي كنتي بتاخدي شاور

نغم…ايوه

تامر….شوفتيها في اللبس اللي قلعتيه جايز تكون اتشبكت فيه ومخدتيش بالك

نغم….بدموع لا مشوفتهاش ولو اتشبكت كنت حسيت بيها

تامر…طيب تعالي نشوفها مش هنخسر حاجه عشري هنطلع نبص كده بصه هتشوف في لبسها و هننزل تاني

عشري….طيب وشفوا و عرفوني قبل ما اطلب منهم يراجعوا الكاميرات

تامر…..ماشي تعالي معاها يا رهف معلش

رهف….اوك يلا يا نغم

طلعوا علي فوق فتحت رهف الغرفه و دخلوا

تامر…..فين لبسك اللي قلعتيه

نغم….جوه في التويلت

تامر…طيب شوفيه كده و انا واقفلك

رهف…تعالي نشوفوا كده براحه

دخلت رهف معاها و فتشوا في اللبس لقوا السلسله في التيشرت من الضهر مشبوكه فيه بس مقطوعه

رهف….اهي يا نغم

مسكتها نغم بسرعه وفضلت تعيط

رهف….بابتسامه حضنتها خلاص متعيطيش الحمد لله موقعتش

تامر….لقتوها يا رهف

رهف…ايوه لقيناها تعالي بره بلاش نقف هنا

خرجت وهي بتعيط و بصتلوا

تامر…… بابتسامه قرب منها و طبطب علي راسها خلاص بطلي عياط الحمد لله

رهف…..هي اتقطعت بس

تامر…مش مهم هتتصلح عادي بطلي عياط بقي

نغم…..بابتسامه مسح دموعها ممكن تخليها معاك انا خايفه تقع مني

تامر…. بابتسامه ماشي هاتي انا هشيلها معايا متعيطيش بقي انا هنزل للشباب تحت اعرفهم ماشي

نغم…..ماشي

ابتسم و طبطبت تاني علي راسها و بعدين نزل وسابهم

رهف….بايتسامه خلاص بقي متعيطيش الحمد لله مضاعتش

نغم….الحمد لله والله العظيم انا قلبي كان هيقف من الخوف انتي مش متخيله السلسله دي عندي غاليه ازاي

رهف…اكيد طبعا دي ذكري و احنا اوقات كتير بنتعلق بأي ذكري من اي حد غالي علينا ربنا يرحمها يارب متلبسيهاش بقي الا لو صلحتيها

نغم….لا مش هلبسها طبعا و بفكر اصلا بعد الموقق ده اصلحها واسيبها في اي علبه احسن تقع تاني