لقاء كارثي

طول الوقت مبتسمه و عينها مدمعه و نفسها مش ثابت كأن الفرحه جواها هي اللي بتحرك نفسها مش دقات قلبها..

و كل ده كوم وانها وقت بسيط و تشوف ابوها وامها كانت كبيره اوي وحشوها وكانت مرعوبه محدش فيهم يقدر يجي ولا خر وقت كل شويه تسأل ميدو بقلق حد فيهم قالك مش هيجي و مش عايز تزعلني كان اهون عليها تعرف من الاول ان حد فيهم اعتذر ولا انها تتعشم وتروح و تتحمس لشوفتهم و تلاقي حد فيهم ناقص

حماس الشباب الصغيرين وهما متجمعين و مشغلين اغاني و حماس الكبار اللي واقفين يدعولهم و حماس البنات اللي مكانوش بيسيبوها لحظه كل ده كان مفرحها فرحه مش طبيعيه..

سلامه…..ميدو ميدو عم سعيد بيكلمك و مش بترد امسك

عسال……الووو يا حبيب قلبي حقك عليا والله مش سامع يا ابويا

سعيد…ولا يهمك يا حبيبي مبروك يا عريس

عسال….الله يبارك فيك يا ابويا و يديك الصحه يارب كان نفسي تبقي معانا

سعيد…..حقك عليا والله انت عارف بقي مقدرش علي السفر و قولت اكلمك تاني و اقولك مبروك واقولك متزعلش

عسال….مقدرش ازعل منك يا ابويا والله و عارف ان السفر متعب ليك ربنا يارب يطمنا عليك ديما

سعيد…حبيبي يا ابني ربنا يسعدك انت وعروستك و يفرحكم و يديك خير الدنيا كلها علي قد نضافه قلبك يا ميدو و يعوضك كل خير يا حبيبي

عسال…. بضحكه جميله اهو انا كفايه عليا الدعوتين الحلوين دول مش عايز حاجه تاني

سعيد…تستاهل يا ابن الاصول دعوات الدنيا الحلوه كلها ان شاء الله ترجعوا وتتبسطوا وهاجي ازوركم في بيتكم انت وعروستك

عسال….يا حبيب قلبي ده انت تنور البيت و صحاب البيت كمان

سعيد….. الله يسعدك يا حبيبي يلا روح شوف حبايبك انا قولت بس اباركلك تاني

عسال…..حبيبي يا ابويا متحرمش منك اشوفك علي خير يارب مع الف سلامه يا حبيبي

سعيد…..سلام يا حبيبي ربنا يسلم طريقكم

عسال…يارب يا غالي مع السلامه

قفل ميدو و بص لقي ليله بتضحك هي والبنات

عسال….بضحكه جميله ايه ده في ايه

ليله….انا عندي فضول رهيب اسألك سؤال

عسال…..بترقب لسؤالها ضحك خير يا سكينه

ليله…..اشمعني انت بتقول لحاج سعيد يا ابويا و سلامه بيقولوا عم سعيد

عسال…..بضحك انا عايز اقولك ان حتي ريهام ومصطفي بيقلولوا ياعم سعيد الا لو في موقف جد بيقولوا بابا عادي

سلامه…..بابتسامه علي فكره ميدو علي طول بيقولوا كده