لقاء كـ،ـ،ـارثي
محمود…..خد نفس بصي يا ريهام انا شخص بيأمن بالصدف و بعتبر اي حاجه في حياتي بتحصل من غير معاد هي اشاره تمام انا جاي هنا عشان عندي مشوار و مشوار مهم كمان و لما كلمتك كلمتك بالصدفه اعرف مروحتيش ليه الشغا كنت بطمن عليكي يعني مش مرتب اي حاجه و بما اني اعتبر وجودك في الوقت د صدفه و قعدتنا دي مش مترتبلها تبقي اشاره و انا لو مستغلتهاش ابقي حمار و من الاخر كده
انا مش جاي اقولك كلام كبير و لا حتي مستني رد
ريهام….محموووود
محمود…ششششش مفيش محمود هقول اللي عندي و انتي هتسمعيني
ريهام انا واصل لمرحله غريبه يعني حاسس اني بطلت افهم نفسي حاسس اني عيل صغير بيجرب مشاعر اول مره يجربها في حياته
لما بتغيبي من غير سبب بضايق و بقلق لما بتضحكي و تبقي مبسوطه و تتكلمي معايا بحس اني مرتاح
لما بكلمك او ببعتلك مسدچ وبتردي عليا بحس اني مبسوط بجد .
اضايقت و اتعصبت و حسيت اني مش علي بعضي لما شوفتك اخر كام مره مع الواد ده بيوقفك اكتر انا مش عارف انا فيا ايه بس كل اللي انا عارفه و فاهمه كويس اوي انك فارقه معايا..
بصتلوا بابتسامه و لمعه في عينها و توتر ميتوصفش
محمود….جو الاستعباط اللي احنا فيه ده حلو و عاجبني بس خلاص مبقاش يمشي معايا عايز افهم انا واقف فين بالظبط بتسمعي كلامي بتتحملي عصبيتي بتكلميني بتطمنيي عليكي بتوافقيني لو قولتلك علي حاجه لا او علي حاجه متتعملش ده معناه ايه يا ريهام انا لو مش حاسس ان في حاجه مكنتش هتكلم بس لا هو في ريهام و انا عارف انه فيه ومن الاخر كده
انا شكلي حبيتك يا ريهام
بصت قدامها و فضلت تاخد نفسها بسرعه و بعدين بصت جنبها دارت عينها منها و نزلت دموعها لسانها اتعقد حرفيا اول مره تتحط في موقف زي ده و متخيلتش اصلا ان اعترافه يجي بالشكل ده و في المكان ده و صدفه حقيقي مش مترتبلها
دقيقه صمت حصلت كان التوتر فيها مش طبيعي ليهم هما الاتنين هي اتصدمت بجد و هو اتصدم ان كلامه ختم باعتراف صريح لدرجه انه ركز في كلامه و ابتسم
محمود….ريهام ممكن تبصيلي انا قولت اللي عندي و معنديش حاجه تاني والله يعني هسيبك وهمشي و مش عايز اي رد الوقت بس انا عايز اسمع حاجه واحده بس انتي اضايقتي مني ؟
هزت راسها بهدوء من غير ما تبصلوا بلأ.
محمود…ابتسم بهدوء طيب بصيلي
