لقاء كـ،ـ،ـارثي
ايمي….هتسمعوا و مبروك مقدما يا عريس ولااااا يا حودا انا قلبي بيرقص اخيرا فوقت يا واطي
محمود….بضحك وانا مبسوط اوي بجد ادعيلي بقي تكمل علي خير
ايمي…هتكمل بامر الله يا حبيبي ريهام بنت حلال و انت تستاهل كل خير زوزو دعيالك
محمود…..بضحك شكل دعوتها ظبطت المرادي كل مره بتيجي عكس يلا انا هسيبك الوقت وسلمي علي نوني كتير و البنات و لو حصل اي جديد هقولك
ايمي….ماشي يا قلبي يلا باي
محمود….باي
خرجت ايمي من البلكونه البنات كانوا مطلعين الاكل
ايمي….بتاكلوا من غيري يا اوطي من الرصيف
سلمي…لسه مكلناش والله
نعيمه….تعالوا بقي ناكل عشان افرجكم علي الهدايا
ايمي…..يلا بينا
فعدوا كلوا كلهم و بعدين بدأت نعيمه تطلعلهم الهدايا..
نعيمه…بابتسامه بصوا بقي انا في الثلاث ايام بتوع العيد دول مقعدتش حرفيا حتي اليوم اللي كنت مسافره فيه كنت بفرك من الصبح اول حاجه احنا متعودين نجيب بچامات العيد مع بعض نفس الشكل زي كل سنه و المرادي انا مكنتش معاكم و معرفش جيبتوا ولا لا بس انا جيبت
ليله….والله ما جيبنا يا نوني
نعيمه….بسعاده طيب انا جيبت يلا شوفوا
ايمي….اوبااااا نعومي
نعيمه….بضحك عارفه انك بتحبيه
خدوا منها الشنط و طلعوا بچامات قطيفه لونها بينك تجنن و معاها برفيوم و لوشن للجسم و بودر فيعا لمعه و ريحتها تجنن كلهم من نعومي
سلمي….الله تجنن
نادين…تحفه و ريحة البودر فظيعه
ليله….حلوين اوي يا نوني
ايه….دي قدي صح
نعيمه…اه انا كاتبه علي كل واحد ورقه فيها اسم عشان المقاس هتلاقيها قدك
ايمي….يخربيت نعومي علي اللي جابوا فظييييعه
نعيمه…اركنوا بقي شوفوا الباقي نوني تمسكي انتي الاول ده المضرب بتاعك
نادين….الله يا نعيمه ده زي بتاع الكافيهات سرعته تجنن
نعيمه….اي خدمه هيعجبك اوي شوفتهم بيعملوا تجربه و عمل فوم قوي قولت هيعجبك
نادين….تحفه والله
نعيمه….طلعت شنطه كمان فيها علبه دهب بصوا بقي دي انا نسيت كل واحده بتاعت مين العلب شبه بعض بس كل واحد ليه حرف ياخدوا
طلعوا البنات سلاسل دهب و فيها اول حرف من اسمهم بس بالعربي
ايمي…انا ألف اللي معايا نون
نعيمه…اديها دي لنادين و انا كمان ليا نون زيها
ايه…الله شكلهم حلو اوي
سلمي….ده حرف لام صح
نعيمه…اه اديه لليله
ليله….شكلها تجنن يا نوني بجد واحلي حاجه ان السلسله في الرقبه مش طويله
