لقاء كـ،ـ،ـارثي
نغم…..بابتسامه لا خالص روح وانا هعمل
خرج تامر و هي وقفت تخلص كل حاجه عملت الشاي و حطت في طبق صغير نعناع و خرجت بعد ما نضفت المطبخ خالص
نغم….اتفضلوا انا مش حاطه نعناع سيباه علي جنب
احمد….تسلم ايدك يا بنتي اقعدي عايزك
قعدت بهدوء و بصتلوا
نغم….نعم
احمد…بكره باذن الله هنروح للمحامي في مكتبه عشان نخلص الاجراءات و تستلمي الشقه و هو بعد كده هيسجلها اول ما تتسجل باسمك هنروح نتنازل ماشي
نغم….بهدوء حاضر تمام
احمد….بسالك تاني اكيد قراراك نهائي
نغم ….اكيد يا عمو
احمد….طيب علي خيرة الله هاخدك بكره انا و تامر و هنروح
نغم…..بخوف واضح هي مريم و هاني هيكونوا هناك و لا المحامي بتاعهم بس
احمد….اكيد هيبقوا هناك بس متقلقيش احما معاكي
تامر….انتي خايفه ليه مش هيستنونا تحت يعني بشوية بلطجيه
نغم…..انا اتوقع منهم اي حاجه
تامر….متخافيش قولتلك هيروحوا في داهيه و عموما متقلقيش انا هظبط الدنيا مش هنبقي لوحدنا بس كمان اللي معانا هيبقوا من بعيد مش في الصوره
احمد…تامر مش عايزين مشاكل عايزين كل حاجه تخلص ودي و مظنش بعد محضر عدم التعرض يعملوا حاجه هيخافوا
تامر….متقلقش هتخلص ودي ان شاء الله بس انا هعمل كده عشان اطمنها مش اكتر
احمد….ماشي يا حبيبي
تامر….انا هقوم اشتغل شويه في الاوضه و حبه كده وهنام
احمد….ماشي انا كمان هدخل اقرا شويه و اريح عشان قعدة الكنبه تعبتني نغم روحي غيري يا حبيبتي هدومك اتغرقت هتبردي
نغم…..حاضر هقوم لو احتاجتوا حاجه انا صاحيه
احمد….سلامتك يا بنتي
قام كل واحد فيهم دخل علي اوضته.
…………….
عند البنات كانوا قاعدين مقضينها ضحك و هزار و ذكريات و كلام تاني عن فضل و عن رحاب و عن موقف نجود و كانوا بيحكولها بالتفصيل عن كل المناسبات اللي فاتتها افتتاح الكافيه الجديد و عيد ميلاد المطعم و جنان ريهام و ايمي حكيتلهم عن حوار ريهام و محمود كاموت متوقعين طبعا و اتبسطوا اوي
حكولها عن حفله جنس المولود و عن مفجأه نسمه وتقي كانوا بيحكويها كل حاجه فاتتها عشان تحس انها كانت معاهم و فجأه الباب خبط كانت نعيمه عارفه ان الشباب جايين بس كانت مرعوبه فضل يبقي معاهم و هو مكانش معاهم مشي و سابهم و اتفق معاهم ان كلامه معاها هيبقي لوحدهم .
قامت ايه فتحت الباب
