لقاء كـ،ـ،ـارثي
ابتسمت نعيمه بهدوء و هزت راسها و رجعت حضنتها..
المشاعر اللي كانت بينهم كلهم كانت مشاعر حقيقه و صادقه رغم الفرحه برجوعها و سطهم لكن كان في وجع اشتياق و فراق و بعد و ايام اتعدت باليوم كانت لاحظه مش بتتكرر بينهم كتير ديما وجودهم كله ضحك وهزار و حكايات لكن المرادي و جودهم كان مختلف اول مره حد فيهم يفارق و بالشكل ده اتعروت قدام بعض و اتجردوا من اي مشاعر الا مشاعر الحب الصادق..
و بعد دموع و وجع من بعد الفراق روحهم رجعتلهم مره تانيه و قعدوا مع بعض و نعيمه وسطهم ..
مبسوطه كانت حاسه انها متاخده شويه حاسه انها غريبه مش غريبه عنهم بس اول مره تسيبهم المده دي و لسه مش مستوعبه انها وصلت
ايه…..بضحك داهيه تنكد عليكم يا بعيده منك ليها
ايمي…..بضحك يا بت انتي بتدعي عليها
ايه….دي اقل حاجه طول عمري فرفوشه و بضحك نكدتوا عليا
نادين…..بضحك هموت منها مش عارفه اعيط ولا اضحك بسببها عماله تعيط و تشتم فيكم
ايه….ما هما نكدوا عليا مش كفايه المناحه اللي عملتها سلمي
نعيمه…..بصتلهم و ابتسمت بحب وحشتوني اوي يا بنات
ايمي…..و انتي وحشتينا اكتر مالك يا بت خاسه كده ليه مكنتيش بتاكلي
ليله….اه يا نوني انتي تعبانه ولا ايه
سلمي….انا لسه قايله كده لنادين وايه بت انتي تعبانه فيكي حاجه انا بصراحه بقي مش مرتحالك و لا مرتاحه لسفرك ده
نعيمه….بضحك يعني بموت و مخبيه عليكم متتفرجيش علي افلام كتير
سلمي….بعد الشر بس انتي بجد خاسه
نعيمه…..والله انا زي الفل كل الحكايه اني مكنتش باكل اوي مليش نفس عشان لوحدي و بعدين رمضان والصيام اوقات كنت مش بتسحر و اوقات اتسحر عشان مفطرتش كويس كده يعني بس هو بصراحه انا محتاجه اعمل تحليل انيميا لاني حاسه اني مش مظبوطه ضوافري بتتكسر شعري بيقع حاسه بصداع و انا لما بتعب من الانيميا بيحصلي كده
نادين…..طيب نعمل تحليل و نطمن
ايمي….انتي باين علي عينك اصلا ان عندك انيميا اعملي تحاليل و خدي ڤيتامين و اظبطي نفسك شويه
نعيمه….هعمل والله المهم طمنوني عليكم عامله ايه انتي و ليله
ايمي….زي ما انتي شايفه يا اختي مش ناقصنا غيرك و حشتينا
نعيمه….والله العظيم انتوا اكتر يا ايمي اللي كان مهون عليا كل حاجه مكالماتي معاكم و بس
ايمي…..طيب طمنينا حصل ايه هناك احنا كنا هنتجنن عليكي خصوصا انك مكنتيش عارفه تحكي حاجه
