لقاء كـ،ـ،ـارثي
ايمي….منك لله يا شيخه كان زمانك وسطنا علي الرعب ده
نعيمه…يعني انا كنت اعرف و لا كان في حاجه اصلا قبل ما اسافر الضرب بقي شغال طول الوقت طيارات بتعدي اصوات الانذار مش بتقف اول كام يوم كنتي تبصي متلاقيش عربيات ولا ناس يتعدوا و طبعا كان في ضرب في الشارقه
و برج خليفه كان مستهدف و وقعوا كام طياره و كذا بنايه وقعت الضرب وقتها مكانش بس علي القواعد الامريكيه طبعا روحت بعدها العين الدنيا هناك الحمد لله كانت هاديه و بصراحه الراجل اللي بعتيه يا ليله ذوق ويجنن و مسابنيش خالص
ليله…..منذر محترم اول ما كلمتوا قالي متقلقيش في عيوني و مش هسيبها خالص بس يومها كان صعب يجيلك قالي خليها بس في مكانها وبكره هروحلها
نعيمه…..جالي ومسابنيش و طلعني الفندق و بقي كل شويه يتصل و يطمن ويقولي محتاجه حاجه و حتي لما رجعت بعد كام يوم بقي كل شويه يتصل و يطمن
ليله…..لا هو ذوق و محترم اوي بجد
نعيمه…..لما رجعت الدنيا كانت اهدا شويه بس برضوا كام يوم و رجع القلق تاني يمكن اتأقلمنا شويه بس كان في توتر فظيع بس بصراحه الناس هناك بجد تجنن خدمات و اهتمام طول الوقت اه صحيح بالمناسبه منذر ساعدني كتير في تخليص ورق الاقامه
ايمي….بت انتي ايه حوار الاقامه ده انتي ناويه ترجعي تاني
نعيمه….بخلصوا عادي بس خلينا الوقت اكملكم لما قررت بقي اسافر كان بعد اخر مكالمه لينا
ايمي…..بتتوه شايفين
ليله…..سيبيها براحتنا
نعيمه….بضحك والله مش بتوه حكيلكم كل حاجه
نادين…طب سيبوها تكمل كملي يا نوني
نعيمه…..المهم الدنيا موت تحسوا ان الناس بتهاجر مش مسافرين عادي اغلب الي كانوا معايا علي الطياره اتعرفت بقي علي ناس قد كده
سلمي….نوني بتبني علاقات
نعيمه…..لا والله بس كان معايا شنط كتير واحلي حاجه في الموضوع ان لا في وزن ولا حد بيقولك معاكي وزن او شنط كتير يادوب بتتحط يشوفوا اللي فيها وتعدي قولت ياريتني جيبت حجات اكتر مع اني كنت واثقه اني هدفع وزن لاني معايا وزن زايد حوالي 50 كيلو
ليله….بضحك 50 كيلو قادره
نعيمه….بضحك اه والله قولت مش مهم بقي بس كنت محتاسه بالشنط و مش عارفه اتحرك ظهري بقي شاب زي القمر و معاه اخته
ايمي…الللللعب و بعدين كملي
نعيمه….بضحك والله ابداً
ايه…..طب ايه حلووو
