لقاء كـ،ـ،ـارثي
سلمي….مرضيتش والله مكسوفه اوي
ايه….فظيعه بجد بتتكسف و حسيسه بطريقه تخنق
سلمي….طبيعي يا ايه مهما خدت علينا هي حاسه ان هي مش في بيتها
نغم….بس تعرفي انا حاسه اني اتعلقت بيها و بقيت حساها واحده مننا
سلمي…..بصراحه وانا كمان حتي بابا انهارده بعد ما نزلتي دخلت خدت شاور فا تقريباً داخت من البخار خرجت وشها احمر و شكلها تعبانه و مش موزونه غالبا ضغطها وطي خرجتها بره في الهواء و خلتها غسلت وشها بمايه بارده كملت بضحك ابوكي بقي واقف قدامها و يروح و يجي يابنتي انتي كويسه يا بنتي لبسيها و نروح المستشفي بسرعه طب اتصلي علي اخوكي طب اعملها ايه قولتلوا يا حبيبي والله كويسه مسكتش غير لما قالتوا والله العظيم انا كويسه
ايه….بضحك حمودي فظيع موسوس اوي و بصراحه حساه فعلا خد عليها اوي
سلمي…اوي والله ولما يحس انها مكالتش كويس يقولي روحي شوفيها يمكن جعانه
ايه…..حمودي ده بموت فيه و في حنيته بجد ربنا يخليه لينا
سلمي….يارب بقولك ايه ما تتصلي بليله وايمي لو لسه قدامهم وقت نطلع احنا
ايه……طيب
اتصلت ايه علي ايمي
ايه…ايه يا اوزعه
ايمي….ايه يا بومه
ايه…انتوا فين
ايمي…في الطريق
ايه…يعني قدامكم كتير
ايمي…..يعني احنا لسه متحركين من عندي
ايه….طب ايه نطلع احنا مش هنفضل واقفين
ايمي….انتوا وصلتوا
ايه…..لا احنا في الطريق بس اكيد هنوصل قبلكم
ايمي…..طيب خلاص اطلعوا انتوا
ايه….ماشي متتأخروش بس
ايمي…..اوك يا قلبي يلا باي
ايه….باي
سلمي….ايه هنطلع احنا
ايه….اه هما لسه متحركين من قدام البيت
سلمي….خلاص نروح احنا و هما يجوا بقي
…………
خلصت نعيمه كانت لابسه ترنج و عامله ميك اب هادي خالص و رافعه شعرها ديل حصان قامت ظبطت الاوضه و رجعتها زي ما كانت خدت كوبايتها
نادين…..اساعدك في حاجه
نعيمه….لا يا قلبي تعالي نخرج بره انا خلصت
نادين….يلا
نعيمه….بقولك ايه انتي مكلتيش صح؟
نادين….لا لسه و انتي
نعيمه….برضوا لا خلينا نطلب اكل لما البنات يجوا و ناكل مع بعض
نادين….نوني انتي ليه خسيتي كده مكنتيش بتاكلي
نعيمه….بابتسامه لا كنت باكل بس عشان لوحدي و حشني الاكل معاكم
نادين…..بابتسامه واحنا كمان
وقفت نعيمه و بصتلها
نعيمه…..شكلي خاسس خالص مش حلو يعني
نادين…..لا قمر طبعاً بس متعوده اشوفك زايده شويه بسيطه
