لقاء كـ،ـ،ـارثي
محمود…بضحك انتي ملكيش وصف اصلا
ايمي….بضحك بص يمكن كل اللي قولتوا ده حلو و دي بدايه مشاعر حلوه بس لسانك نطقها يا محمود و الاكيد ان اعترافك ده كان طالع من قلبك مش كده؟
محمود….بصراحه اه يمكن انا الوقت مش عارف انا ازاي عملت كده بس هي جات كده بقي
ايمي…طيب ايه انت مبسوط ولا ندمان ولا ايه بالظبط؟
محمود….لا خالص بالعكس مبسوط اوي و حاسس اللي قولتوا اوي
ايمي…..بحب طيب هي قالتلك ايه او رد فعلها
محمود…اول مره اشوفها كده حسيت انها خايفه مرعوبه متوتره بتترعش مبتسمه محستش انها مضايقه و فجأه لقيتها بتعيط لدرجه اني اتصدمت وخوفت اكون عكيت الدنيا بس في الاخر انا قولتلها هسيبك تهدي و نتكلم بعدين بس كمان سألتها اللي قولتوا ده ضايقك ضحكت وقالتلي لا خالص بصي انا حاسس انها مبسوطه و واثق ان هي في مشاعر من عندها ليا و إلا مكنتش اتكلمت بس متوتر اوي انتي شايفه ايه
ايمي….يا حمار دي دموع الفرح البت حبيتك يا محمود و يمكن عدم ردها او لغبطتها دي لان ريهام مش متعوده تتحط في مواقف زي دي انت عارف اللي فيها كويس يعني كل ده جديد عليها و انت زي ما قولت خدتها زي القطر
محمود…بضحك معرفش ازاي و حصل ازاي بس انا حسيت اني فوقت لما نزلت وركبت عربيتي و مشيت
ايمي….طيب بص انت اللي كنت معاها وانت اللي شوفت رد فعلها بس من واقع خبرتي يعني لو كانت مضايقه كان بان عليها لو مكانتش بتحبك كانت ردت لكن سكوتها ده كسوف توتر مفجأه فاهمني و بعدين الدموع دي دموع فرح اسمع من اختك
محمود….طيب اعمل ايه الوقت؟
ايمي…ولا حاجه بلاش تكلمها قضيها مسدچات اطمن عليها شوفها روحت شوفها كويس بتعمل ايه كلت ولا لأ حبة اهتمام حلوين لو هي كلمتك رد و خليك چنتل بلاش توترها عشان دي لخمه و هيبان عليها اسمع مني ريهام لسه خاااام يعني ردود افعالها مش هتبقي متزنه وهتفضح نفسها وبكره لما تنزل المطعم روحلها و اتكلم معاها بهدوء و اسمع منها
محمود…طيب ولو قالتلي انها مبسوطه و موافقه و كده
ايمي….الباقي بتاعك بقي يا اخويا شوف انت عايز تروح فين عايز الحوار جد يبقي خبط علي الباب و قدر اخواتها و ده الصح لان ريهام مش بتاعت خروج و تنطيط و لا هينفع نخسر سلامه و ميدو دي اختهم مش لعبه
محمود…انتي بتهرجي اكيد طبعا انا بس عايز اسمع ردها و هاخد الموضوع جد يعني علي الاقل تحصل خطوبه عشان نعرف بعض اكتر تتعود عليا اكتر اعرف اشوفها براحتي فهماني اكيد كل الخطوات هتيجي بس اسمع ردها
