لقاء كـ،ـ،ـارثي
تامر…..لا مش لازم سلطه خلاص السكينه حاميه جدا
نغم….انا هقطع براحه متقلقش اخرج انت طيب
تامر….لا لا هلف حاجه وارجع بس شوفي كده لا يكون في دم نزل
نغم….لا مفيش
خرج تامر بره
احمد….اتعورت جامد
تامر…..شويه بس السكينه حاميه جدا
احمد….شكلها اتسنت جامد معلش و نسيت اقولكم تعالي خد و لف صباعك
تامر…..هات ابقي عرف البنات بس
احمد…..ماشي خدي بالك يا نغم
نغم…..حاضر متقلقش
خلص احمد و قام يشوفها
احمد…..سيبيها يا نغم عشان متتعوريش
نغم….انا خلصت خلاص بقطع اخر حاجه حضرتك كويس
احمد…..اه متقلقيش سيبيها بقي عشان اروح اغير هدومي جه عليها دم
نغم….انا خلصت والله روح حضرتك يلا
احمد….طب حطيها قدامي في الحوض
نغم…. بابتسامه اهي خلاص هي مينفعش بتعمل فيها حاجه عشان متبقاش حاميه كده
احمد….الاستخدام اكيد دي عايز يتقطع بيها لحمه او حاجه بتشد شويه عشان متبقاش حاميه كده ابقي افتكري قولي لايه و سلمي احسن انسي و يتعوروا
نغم…..حاضر روح يلا غير و انا خلاص سيبتها
احمد….ماشي
خرج احمد وراح علي اوضته دخل تامر تاني كانت واقفه بتغسل كام حاجه في الحوض و بتشوف البانيه وراح جايه في المطبخ
تامر…..اساعدك
بصت لوراء بخضه
نغم….ااا لا خلاص انا بخلص
تامر…..هو انتي ليه بتتخضي كتير كده
نغم…بتوتر ااا لا عادي عشان مشوفتكش بس
تامر….ماشي اخد السلطه دي بره
نغم…لا لحظه مفيهاش ملح ولا حاجه هظبطها و خدوا
تامر….تمام و قفت تخلص و هو كان واقف ساكت بيحاول بس يساعدها يديها اطباق يخرج بره احمد خرج و راح خد معاهم الاكل و بعدين قعدوا ياكلوا كانت متوتره اوي و مكسوفه و بتاكل بكسوف فظيع احمد كان بيحطلها الاكل في الطبق مبتمدش ايدها غير علي السلطه و تامر كمان كان بيقرب منها الاكل و عمال يتكلم هو وابوه علي شقه سلامه و عسال و شغلوا
بعد ما خلصوا قامت نغم بهدوء تشيل الاطباق و تنضف جوه
احمد….وسعي يا نغم انا هعمل
نغم…..تعمل وانا موجوده و بعدين صباعك لسه متعور روح يلا ارتاح و انا هعملك شاي و اجيبهولك
احمد…بابتسامه حاضر ربنا يرضي عمك يا بنتي و يريح قلبك
نغم…..و يخليك ليا يارب
دخل تامر باقي الاطباق و بصلها
تامر…اساعدك في حاجه
نغم….لا شكرا انا هعمل لعمو احمد شاي اعملك
تامر…..لو مش هتعبك تمام
