لقاء كـ،ـ،ـارثي
ايمي…..بدموع هوننا عليكي يا نعيمه
نعيمه بدموع هزت راسها بلأ
ايمي…..و حشتيني يا بنت الجزمه وجعتي قلبي
نعيمه….بهمس وهي باين علي صوتها العياط حقك عليا والنبي و الله ما كنتش عايزه اعمل كده بس مكنتش قادره
ايمي….بدموع وهي بتضربها في ضهرها متقوليش مكنتش قادره انتي سيبتينا يا نعيمه
نعيمه….لا والله انا بس كنت فاكره اني هرتاح و انا لوحدي بس مكنتش مرتاحه من غيركم
ايمي…..طب اسكتي اسكتي خلاص بطلي عياط المهم انك رجعتي يا حيوانه
دموع ليله و البنات مكانتش بتقف و هما سامعين همسهم و عياطهم
سلمي….بدموع ايمي خلاص عشان متتعبيش يا قلبي
نعيمه….بعدت عنها شويه و مسكت وشها بحب بطلي عياط خلاص
ايمي…..بدموع و حشتيني
نعيمه….بدموع ضمتها تاني و انتي والله العظيم اوي باست راسها بحب انتي قصرتي كده ليه
ايمي …بضحك انتي اللي طولتي يا بت اوي و بقينا قمرات
نعيمه….بضحك من بين دموعها بصت علي بطنها يا عمري علي القمر الله اكبر بطنك بانت شويه
ايمي…..بضحك مسحت دموعها بقيت شبه الكوره
نعيمه …لا والله بقيتي قمر
ايمي….بابتسامه طب روحي يلا سلمي علي اللي مش طيقاكي دي
بصت نعيمه علي ليله كانت بصالها و دموعها نازله بهدوء و عنالها تمسحها بطرف صباعها
مالت نعيمه براسها بهدوء ابتسمت لليله و بعدين عيطت اوي نزلت دموع ليله اكتر و قربت خدتها في حضنها..
عياط نعيمه في حضن البنات كان كوم و عياطها في حضن ليله كان كوم تاني خالص انهارت حرفياً و ليله كانت منهاره بس بصمت لافين ايدها علي رقبت بعض و مبهدلين الدنيا
رفعت ليله كفها علي راس نعيمه وصغطت عليها بحب
ايه…بدموع الله يخربيتكم ما انا كنت قاعده بحمي الكلاب و بنلعب الله ينكد عليكم
بصتلها ايمي و ضحكت و هي بتعيط
ليله….بهدوء اهدي يا قلبي اهدي
نعيمه….انهارت اكتر في حضنها قولي اني وحشتك
ليله….بدموع شدت علي حضنها اكتر و حشتيني اوي بس زعلانه منك اوي مقدرتيش تستني لما ارجع و سافرتي
نعيمه…والله غصب عني وحشتيني اوي و مفتقداكي اوي
ليله….بعدت عنها و بصتلها وحشتيني اوي انا اللي افتقدتك رجعت من السفر لاقيت حته مني مش موجوده
نعيمه….انا اسفه حقك عليا
ليله…. بابتسامه مسحت دموع نعيمه طيب خلاص انتي رجعتي و معانا و مش هسيبك تمشي تاني ابداً ماشي
