لقاء كـ،ـ،ـارثي

تامر…..ما كانت راحت معاهم طيب

احمد….مرضيتش مكسوفه و عيزاهم يبقوا براحتهم

تامر….طيب يا حبيبي بقولك ايه متعملش حاجه انا هغير و اخرج انا اجهز

احمد…..لا خليك انا مش ورايا حاجه و بعدين احنا كمان مكلناش و البنات هياكلوا هناك خلينا ناكل

تامر …تمام انا هغير كده و اجيلك

احمد….ماشي يا حبيبي

قام احمد و دخل علي المطبخ و دخل تامر ياخد شاور و يغير بعد وقت مش طويل خرج تامر لابس تيشرت اسود نص كم و بنطلون اسود راح علي المطبخ..

تامر….اساعدك في ايه ؟

احمد…..ولا حاجه انا بعمل سلطه

تامر….طيب وسع انا هعملها علي فكره صحيح استني في فاكهه في الشنط و حجات للبيت نسيتها بره

احمد….طيب هاتها يلا

خرج تامر بره خد الشنط و دخل بيها علي المطبخ لمح احمد حاطت ايده تحت المايه و متعور

تامر….ايه ده انت اتعورت

احمد….بسيطه بسيطه السكينه عورتني

تامر…..طيب كبيره

احمد…لا لا بسيطه هروح اللف عليها حاجه و تعالي انت معلش ليه نصيب تكمل السلطه

تامر…..طيب يا حبيبي

قرب احمد من الصيدليه خد منها مطهر و بلاستر و خرج علي بره

احمد ….نغم يا نغممممم

خرجت نغم بسرعه من الاوضه

نغم….ايوه جايه اهو خرجت بصتلوا ايه ده انت متعور

احمد…لا دي السكينن عورتني حاجه بسيطه معلش تامر جوه بيعمل السلطه ممكن بس تقفي انتي جنب الاكل عشان ميتحرقش

نغم….حاضر بس اعملك حاجه الدم كتير اوي

احمد…..مفيش حاجه الوقت يقف يلا روحي شوفيه البانيه عشان تامر لخمه و هيحرقوا

نغم….طيب حاضر رجعالك تاني

دخلت نغم علي المطبخ كان واقف يقطع السلطه و سامعهم

نغم…..بابتسامه هاديه ازيك

تامر….تمام الحمد لله

نغم….ااا عمو احمد قالي اشوف الاكل ممكن ادخل

تامر….اه طبعا تعالي

دخلت جوه و بصت علي البانيه خدت المناديل و شبت علي صوابعها فتحت الدرفه عشان تجيب طبق كبير مكانتش طايله غير اطباق صغيره

تامر…..بص علي ايدها وابتسم بهدوء اساعدك

نغم…احممم ااا ياريت

مد ايده بسهوله جابلها الطبق خدته منه و راحت علي البوتجاز

تامر…ااااااه بابااااااا

نغم….ايه ده انت كمان اتعورت

احمد…. ايوه يا تامر

تامر….هي السكينه دي ليه حاميه كده

احمد…..سنيت انا السكاكين انهارده اتعورت ولا ايه

تامر…..اه دي حاميه اوي علي فكره

نغم….طيب سيب انت وانا هكمل تعالي اغسل ايدك