لقاء كـ،ـ،ـارثي
ليله….الحمد لله انا اكتر حاجه مفرحاني غير اني هشوفها انها رجعت وسطنا و مش هقلق عليها تاني
عشري….الحمد لله رجعت امته طيب
ليله…..الاستاذه كانت معرفه نادين و ميدو باشا لانها اصطرت مش معاها مفتاح البيت و وصلت انهارده الصبح بس روحت نامت و لسه نادين معرفانا
عشري….يعني ميدو الكلب عارف و ساكت
ليله….بضحك اه بس هي اللي طلبت منهم ميقولوش و عملتها مفجأه لينا
عشري….مش مهم المهم انها رجعت و ده اللي احنا عايزينوا طيب قوليلي رايحه امته
ليله….انا هروح اخد ايمي عشان متسوقش هي و كمان ايه لسه بتخلص شغل و انا لو فضلت مستنيه كده هطق و هروح من غيرهم قولت اخد ايمي و بعدين نروحلها
عشري….بحب طيب علي مهلك و ابقي طمنيني
ليله…ماشي يا حبيبي بقولك فضل لسه معاك صح
عشري….اه انا و الشباب كلنا هنا
ليله…طيب نقولوا صح
عشري…ده اكيد خلينا نخلص من الحوار ده و نفرحوا انا اتكلمت معاه انهارده و علي فكره كان بيفكر يسافرلها
ليله…بسعاده طب احلف يا عشري
عشري….وغلاوة ليله و اهي جات لحد عنده يعني مفيش اي حجه ليهم هما الاتنين
ليله…طيب علي فكره عايزه اقولك علي حاجه شوفتها
عشري…..عارف الصور مش كده
ليله….اه انت شوفتها
عشري…..اه هو اللي قالي و فرجني عليها بس الحوار مش زي ما انتوا فاهمين
ليله….امال ايه بقي الحوار بتاع الصور ده
عشري….هقولك لما الباشا راح معاها الايڤنت هي طبعاً عرفتوا علي ناس و الناس دول قالولوا معلومات و استفاد كتير في المجال بتاعه عرف اماكن وخامات و ناس يتعامل معاها فا طبعاً الاستاذ شاف ان هي كده ليها جميل عليه و الاستاذه استغلت جملته دي و قالتلوا لو عايز ترد الجميل انا عيد ميلادي رابع يوم و مش بحتفل بيه نحتفل بيه مع بعض
قالها تمام لانه حس انه مش هيقدر يحرجها طبعا هي امبارح نزلت صوره لعيد ميلادها فا كتبلها كل سنه وانتي طيبه قامت هي كلمتوا و الباشا كان باين علي صوته انه مضايق فضلت تتكلم معاه و هو زي الاهبل طبعاً بيتكلم و فجأه لقاها قدام الورشه و قالتوا انا جيت عشان حسيت انك مضايق خدتوا وخرجوا راحوا الحسين قعدوا و بعدها رجعوا
و عشان الوقت كان متأخر روحها و روحها بعربيتها و بس و الصور دي اتاخدت في الخروجه
ليله…لا والله والاستاذ بقي بيحتفل بيها بعيد ميلادها
