لقاء كـ،ـ،ـارثي

محمود….و افتن ليه انا هستناهم؟
انا موجود و هطير رقبتك بنفسي

ريهام…..بضحك يعني ايه ؟

محمود….يعني هطير رقبتك يا ريهام

ريهام…..ده ليه بقي ان شاء الله يعني انا اخلص من ميدو و سلامه تطلعلي انت و بعدين سلامه و ميدو نفسهم مش هيطيروا رقبتي واحد خاطب و التاني كاتب كتابه يعني فاهمين ان دي سنه الحياه

محمود….سنة الحياااااه قولتيلي طيب ربنا يسعدهم بس انا مليش دعوه بيهم هطير انا رقبتك برضوا

ريهام….بضحك كده يا حودا و انا اللي بقول عليك طيب بس كويس انك قولتلي عشان يوم ما احب اركز مع حد مش هقولك و لا هاجي احكيلك

محمود….نعم يا اختي و هو انتي ناويه تفكري انك تركزي مع حد ولا ايه

ريهام….بضحك ايه مينفعش

محمود…..لا مينفعش

ريهام……طب ليه مينفعش مش من حقي ؟

محمود…..اه مش من حقك

ريهام…..بضحك نهار اسود اوعي الضحك و الهزار و الطبله ينسوك اني بنت

محمود….لا ست البنات كمان بس انا مش موافق

ريهام…..بأبتسامه مش موافق !

محمود….اه مش موافق عندك مشكله

ريهام……بابتسامه ااا هو سؤال بس

محمود….اوي اوي اتفضلي حضرتك

ريهام….بضحكه هاديه هو حضرتك كنت بترخم كده علي امنيه و ايمي زي اخواتي يعني

محمود….اااا يعني كنت برخم علي امنيه اكتر صراحه ملحقتش ارخم علي ايمي لما اتجوزت اول مره انا كنت اصغر بعد كده هي كبرت يعني مينفعش ارخم عليها لانها عارفه هي بتعمل ايه اما امنيه فا اه كنت برخم و بركز لحد ما اتأكدت انها بتحب عمرو و خلصت خلاص و بعدين مالك انتي و مال اخواتي

ريهام….لا ابدا بس بتأكد يعني بترخم عليا زي ما بترخم علي اخواتك ولا لا

محمود…اه بس انتي مش زي اخواتي علي فكره

ريهام….بابتسامه طيب يبقي مترخمش

محمود…لا انتي مفهمتيش ده سبب ادعي يخليني ارخم اكتر

ريهام….بابتسامه اشمعني بقي ؟
هو انا مش زيهم

محمود….بغيظ اه انتي يا عبيطه يا بتستعبطي بقولك ايه انتي فين يا ريهام

ريهام….في الشارع قولتك

محمود….فين بالظبط يعني

ريهام…..اشمعني

محمود…..انا وصلت مدينه نصر هجيلك

ريهام….بصدمه ابتسمت تجيلي ااا لا قصدي ليه

محمود….بابتسامه اخلصي

ريهام…..ااا ايوه بس يعني مش هينفع

محمود….ليه ان شاء الله اول مره تشوفيني

ريهام…لا بشوفك و بتعدي عليا في الشغل بس عادي انما هنا لو حد شافني يعني