لقاء كـ،ـ،ـارثي
سلمي….طيب يلا وريني شطارتك
ايه كانت عمتله تتكلم و تهزر و نادين تتكلم مع سلمي و نعيمه واقفه تطلع صنيه و الفناجين و تعمل القهوه و تطلع تلج و تعمل لنادين ايس كوفي و ايمي عماله تضحك و تهزر معاهم و ليله مواعه سيجاره و باصه علي نعيمه و مبتسمه
قربت نعيمه حطتلهم القهوه
نعيمه….بوش اهي
ايمي…..تسلم ايدك لا دي بوش بجد
ليله….بابتسامه تسلم ايدك
نعيمه….بالف هنا خدي يا يويو العصير سلمي قهوتك اللي في النص
سلمي….ماشي يا قلبي
كملت نعيمه الايس كوفي و قربت من نادين
نعيمه….احلي ايس كوفي للصغنن
نادين….بضحكه جميله ايه ده شكلوا حلو اوي
نعيمه…..اي خدمه علي فكره جيبالك مضرب يجنن للايس كوفي الوقت ابقي اطلعهولك
نادين…..قلبي والله
قربت من البار من جوه وهي بتنشف ايديها
ايمي…..مش هتشربي حاجه
نعيمه….لا مش عايزه شربت من شويه انا جعانه اوي
ليله….طيب يلا هطلب هتاكلوا ايه
نعيمه….اي حاجه اللي هتاكلوا منه هاكل منه المهم اكلوني
ايه….وانا اي حاجه
ايمي….اطلبي ساندوتشات او اي حاجه سريعه
ليله…اوك
مسكت ليله موبايلها و فضلت تبص علي المطاعم المفتوحه و طلبوا الاكل
ايمي….احكيلنا بقي يلا
نعيمه….احكيلكم ايه
ايمي….الدنيا هناك فيها ايه
نعيمه…..اااه الدنيا هناك خربانه يا ايمي علي الاخر مكنتش عارفه اتكلم ولا اقول اي حاجه كان في رسايل تحذير اننا منتكلمش او نقول اي حاجه لان في غرامه 200 الف درهم غير الحبس
ايمي….اه انا عرفت الحوار ده بعد كده
سلمي…طيب حصل ايه في الاول
نعيمه…..البوم اللي كاموتني فيه وانتوا عند ليله قبلها بكام ساعه وصلت رسايل فيها تحذيرات علي النزول و بيطمنونا و في حالة كذا اعملوا كذا بصراحه مدتش الموضوع اهميه قولت تحذيرات عاديه بعدها اتضربت القواعد الامريكيه كان في حاله قلق فظيعه بس برضوا قولت الضرب بعيد اينعم المكان قريب بس قولت هما ليهم هدف وخلاص اكيد مش هيضريوا كده قبل بقي ما تكلموني كنت واقفه قدام الشباك
فجأه سمعت صوت مرعب وصاروخ نازل قدام عيني علي المطار
ايه…..ينهار اسود شوفتيه
نعيمه….شوفته يا أيه و حسيت اني هموت في جلدي من الرعب الصوت لوحده كفيل يجيب سكته قلبيه و الهزه اللي حسينا بيها في البنايات كأنها زلزال طبعا الدنيا اتقلبت و بقيت سامعه انذارات في البنايه و غالبا دبي كلها كانت انذارات و اشتغلت بقي الرسايل ابعدوا عن الشبابيك متنزلوش الشارع ابعدوا عن الاعلانات اللي متعلقه حاولوا متفضلوش في ادوار عاليه وخليكم في اماكن امنه بقي الكل ينزل علي الباركينج و يقعدوا في العربيات و انا معنديش عربيه ولا عارفه اعمل حاجه
