لقاء كـ،ـ،ـارثي
محمود…..طب انتي فين اخلصي ؟
ريهام…..اااا طيب قولي انت عايز ايه الاول
محمود…..يا ستي عايز اشوفك و اسلم عليكي حلوة الصيغه دي اخلصي انتي فين
ريهام….اااا احمم انا في عربيتي هبعتلك اللوكيشن
محمود….طيب يلا بسرعه
قفلت ريهام و هي قلبها بيدق بطريقه بشعه مبشوطه علي خايفه علي متوتره حاسه بحاجه غريبه و غيرة محمود عليها بقت واضحه لدرجه بقت توترها جدا بتبسطها بس بتخوفها لانها مجربتش الاحساس ده قبل كده بعتت اللوكيشن و فضلت تبص حواليها و تمسك كفها كانت متلجه فضلت قاعده شويه حوالي سبع دقايق و فجأه لاقيته بيقرب بعربيته و بصلها وابتسم و هو رافع حاجبه ابتسمت و فضل قلبها يدق اكتر و بان عليها التوتر اوي
ركن قدامها و ابتسمت بهدوء اول ما شافته نازل كان لابس تيشرت ابيض نص كم و حاطت سويت شيرت علي كتفه مش لابسه و بنطلون اسود شكلوا كان حلو اوي..
قرب بهدوء و علي ملامحه نفس الابتسامه الجميله فتح الباب جنبها و ركب ابتسمت وهي باصه قدام و بعدين بصتلوا بتوتر و ابتسمت
محمود…..مدلها ايده وضحك اهلا بالاستاذه
ريهام….بضحكه كلها لغبطه الحمد لله
محمود….بردانه ولا ايه ايدك ساقعه
ريهام…ااا لا عادي يعني .
محمود…بابتسامه طيب ااا اولع سيجاره ولا في مشكله
ريهام….بابتسامه لا ولع عادي
ولع محمود سيجاره و نفخ الدخان جنبه و بعدين بصلها مره واحده كانت باصه قدام و علي ملامحها ابتسامه هاديه و شايف صدرها عمال يطلع و ينزل بسرعه ابتسم
محمود…..ها كنا بنقول ايه بقي ؟ الاستاذه حابه تركز مع مين خلينا نعمل خناقة كل يوم
ريهام….بضحك انا حسيت ان خناقتنا وحشتك والله هو انت بجد جايز تسألني نفس السؤال
محمود…اه عشان ملاقتش اجابه
ريهام…ما انا رديت عليك
محمود….لا مردتيش انتي سالتي انا برخم علي اخواتي كده قولتلك
ريهام…..ماشي و انا سألت عشان اعرف سبب رخامتك عليا
محمود….و عرفتي ايه
ريهام….بضحكه جميله يعني اني زي ايمي و امنيه
محمود….ضحك و رفع حاجبه ده بجد ولا استعباط
ريهام….ااا احمم انا ليه
محمود…. بابتسامه هو انا ممكن اسال سؤال
ريهام….اتفضل
محمود…..انتي متوتره ليه كده؟
بصتلوا بصدمه و ابتسمت و وشها جاب الوان
ريهام….ااا ايه ؟
محمود….بضحك لا ده انتي متوتره اوي بجد
ريهام….ااا علي فكره انا اه متوتره بس معرفش ليه بس يعني انت موترني يا محمود
