لقاء كـ،ـ،ـارثي
نعيمه….ليله انا سافرت و انا تعبانه كل حاجه جوايا متلغبطه وبايظه نفسياً مش كويسه فجأه حسيت اني مفتقده ايمي من بعد جوازها البنات كمان مشغولين و كل واحده فيهم بتبعد و بعدين جوازك انتي كمان خلاني حاسه اني تايهه زي العيله الصغيره اللي امها سابتها في مكان فاضي و بعدت عنها و شويه انا كمان بتجوز و فجأه خايفه من كل حاجه من المسؤوليه من حياه جديده من مشاكل ممكن تحصل و مبقاش قدها
مشاكل امي وابويا في بالي طول الوقت وجود فضل معايا بيخليني مبسوطه بس كل ما الوقت يقرب و احس اننا هنتجوز احس انه لا انا خايفه مش عايزه و في نفس الوقت انا عايزه اكون معاه انا معرفش حصلي ايه كل اللي متأكده منه اني فكرت لما ابعد اسيب الشغل اسيب البلد اسيب فضل هرتاح بس لا انا محستش براحه و يمكن اما بعدت لاقيت اني كنت غلطانه مخوفه نفسي بحجات مش هتحصل او حتي محصلتش ملغبطه نغسي علي الفاضي فضل واحشني اوي انتوا كمان بس انا فوقت بعد ما كل حاجه باظت انا سمعت كلامكم و رجعت بس انا عارفه ان رجوعي لفضل مش سهل جايز اقدر و جايز معرفش عشان كده فكره الاقامن و ىجوعي الامارات تاني مش استقرار هناك بمعني الكلمه بس عشان انا واثقه ان لو فضل رفض انا مش هقدر استني هنا علي الاقل ابعد فتره و ارتاح
ايمي….طيب بصي كل اللي بتقوليه انا مقدرته بس انتي حسبتيها غلط يا نعيمه جوازي و جواز ليله و جواز البنات سنه الحياه اه انا عارفه احنا علاقتنا ببعض شكلها ازاي و محدش هيفهم ده بس انتي كمان هتتجوزي و هتعيشي حياتك بس اللي لازم تفهميه ان لا جوازك ولا جوازنا هيبعدنا عن بعض عشان احنا مش مجرد صاحب مروا في حياة بعض عادي احنا اخوات وعيله ميفرقناش عن بعض غير الموت لان احنا بينا رابط مش زي اي رابط موجود بين اي صحاب و مفيش حد من الشباب مهما كان بنحبه يدقر يفرق بينا
سلمي….والشباب صحاب يا نعيمه ودي احلي حاجه في علاقتنا كلنا لا احنا ممكن نفرقهم ولا هما بالعكس يمكن ربنا عمل كده عشان يحافظ علي علاقتنا و يحافظ علي علاقتهم انا شابفه ان علاقتنا كلنا ببعض بقت اقوي بارتباطنا يعني اللي بتفكري فيه ده مش صح
ليله….وانا يا نعيمه انتي اكتر حد عارفني كويس متخيله ان جوازي من عشري ممكن يبعدني عنك نعيمه انا عارفه انك اتاثرتي بجوازي و يمكن قولت ده للبنات يوم فرحي لما وصتهم و وصيت نادين عليكي ماسبكيش لان من قبل ما يحصل كل ده كنت واثقه انك هتتعبي و مقدره ده اوي بس انا اتشغلت شوبه في الفرح والسفر لكن والله العظيم مكنتش هسيبك و كنت رجعالك انتي والبنات و اهي ايمي اتجوزت وسافرت و بعدين في وسطنا مش بنسيب بعض و انتي اكتر واحده هتبقي جنبي يعني اللي بتفكري فيه ده كان غلط و يمكن لو كنتي اتكلمتي معانا مكنش كل ده حصل بس تمام اللي حصل حصل و كله خير و الاهم انك لما بعدتي فهمتي بنفسك انك كنتي غلطانه بس خلينا نتكلم بكل صراحه انتي وفضل بنحبوا بعض و كلنا عارفين لا انتي تقدري تستغني عنه ولا هو بس فضل موجوع يا نعيمه و انتي اكيد عارفه ان ده حقه
