لقاء كـ،ـ،ـارثي
كرامتك محفوظه في كل الاحوال و محدش فينا هيرضي ان كرامتك تتهز و لو واحد فينا شايف ان نعيمه وحشه مش بتحبك قاصده تهينك مش هنقولك ارجع او حاول
حسان…..رشيد معاه حق كرامتك من كرامتنا كلنا لس هي فعلا واضح ان معاها مشكله او اي حاجه تخليها تاخد قرارات غلط
سلامه…..وبعدين انت مش خسران حاجه اهي رجعت حاول بقي تفهم علي الاقل عشان تبقي انت مرتاح و فاهم الدنيا فيها ايه
عشري….سمعت يا استاذ محدش فينا مغلطك و لا حد قاصد يجي عليك احنا عايزينك بس تبقي مرتاح و مبسوط و احنا شايفينك مش مبسوط و هي كمان لو انت مش فارق معاها مكانتش هتيجي و خد بالك شوفت الطريحه اللي ايمي سمعتهالك يومها بعد ما خرجت كلمت نعيمه وادتها نفس الطريحه وقالتلها ترجع تصلح اللي حصل و اهي رجعت يعني انت فارق و بتحبك و بمكن هي الوقت مستعده تتكلم
سلامه…..اه و خف والنبي يا دنچوان عصرك سرمحه و صور هاا عشان فضيحتك بقت علي جميع مواقع التواصل الاجتماعي
ضحكوا كلهم و ضحك فضل
فضل….ولا اتلم حوار الصور ده مش كده انا مليش في الجو ده
سلامه….وماله هنعمل نفسنا مصدقين
فضل….لا انت هتصدقني غصب عنك يا روح امك عشان انا مش كده
حسان….بقولك ايه خليك معايا انت تاخد بعضك و تروحلها
رشيد…لا بس انهارده البنات معاها
حسان….مقولتس انهارده و اصلا هو لازم يروح لوحده مينفعش حد فينا كلنا يبقي موجود لازم يتكلموا براحتهم جابز عندها حاجه حابه تحكيها معاك انت كمان عشان تسأل في كل حاجه و انت واخد راحتك روحلنا و اتكلموا بهدوء و بعقل عشان انا عارف ان انتوا الاتنين مجانين
عشري…..خلبها بكره يا فضل و يمكن تكون ىايحه بكره لأهلها استني نعرف بس خط سيرها
عسال…..اه انا سمعتها بتتكلم مع نادين وقالت ان هي بكره رايحه عندهم مش عارف بقي هتبات معاهم و لا هترجع عموما البنات يعرفولنا و علي الاقل عشان لما تروح و تفاجئها محدش من البنات يكون عندها في الوقت ده
عشري….دي بقي سيبوها عليا انا هتفق مع ليله تظبطها و انت طب عليها فجأه
سلامه….بابتسامه ايووووووه حلوه طب عليها دي و هي هتلاقيك قدامها و هتعبرلك عن وحشتك ليها بحضن تروح انت مخلص ببوسه و بارك الله فيما رزق
ضحكوا كلهم و ضحك فضل و ضربوا في كتفه
حسان….بضحك اخي احترم نفسك شويه
