لقاء كـ،ـ،ـارثي

نعيمه….طيب ما كانت جات معاكم هو انتوا متعودين تسيبوها لوحدها

سلمي….لا قبل ما تنزل تشتغل مع نادين مكناش بنسيبها لو انا في الشغل ايه معاها بس لما ايه نزلت المحل هي كمان كانت بدات شغل و غالبا بنرجع مع بعض انهارده بقي نادين اجازه وهي كمان

نعيمه…طيب هي قاعده لوحدها

سلمي….لا بابا في البيت بس هي صعبانه عليا هتفضل حابسه نفسها لحد ما نرجع بتتكسف اوي

نعيمه….حرام عليكم كنتوا جيبتوها بقولكم ايه هي عارفه البيت هنا

نادين….لا هي عارفه المخزن بس

نعيمه….طيب ماهو قريب خلوها تجيلكم عشان انا مش هسيبكم انهارده و هتباتوا كلكم معايا مليش فيه

سلمي….لا احنا هنقعد براحتنا بس اكيد مش هنبات

نعيمه…..ده علي جثتي مليش دعوه

سلمي….ونسيب البت بايته مع بابا وتامر بس

نعيمه….ما انا بقولكم خلوها تيجي ابعتولها اللوكيشن

سلمي….خلينا بس نشوف هنعمل ايه

نعيمه….ماشي بصت لايه المحل اشتغل تاني

ايه…..بابتسامه اه الحمد لله بقي جميل خالص

نعيمه…..الحمد لله بقولكم ايه اكدتوا علي حمودي ميقولش اني جيت

سلمي….اه و بيسلم عليكي و بيقولك لما يشوفك هيموتك

نعيمه….بابتسامه والله وحشني هو كمان حاسه اني بقالي كتير مشوفتكمش

ايه…..طمنينا بقي الدنيا هناك فيها ايه و الرحله كانت عامله ازاي

نعيمه…..بابتسامه لا لما باقي العصابه تيجي عشان احكيلكم بس خربانه

سلمي…..خربانه اوي يعني انا حاسه ان مش اوي

نعيمه…لا خربانه يا سلمي مش كل اللي في الاخبار صح في حجات مش بيعلنوا عنها

ايه…..بضحك طلعتي انتي اللي بومه ناويتي بس تروحي الحرب قامت يا بومه

نعيمه….بضحك انا مالي هما اللي اتجننوا علي بعض

سلمي….يلا مش مهم الحمد لله انك رجعتي بخير و يارب كل الناس ترجع لاهاليها بخير

نعيمه….المطارات علي بعض تحسي انه موقف اتوبيس مش مطار

نادين….طبعا كله بيمشي

نعيمه…..لا انتوا مش متخيلين العدد الطياره مفيهاش نفس حرفياً

سلمي…..الناس خايفه

نعيمه….رعب والله يا سلمي الله يكون في عون اهل فلسطين معرفش ازاي بجد قادرين يتأقلموا علي صوت الصواريخ الناس دي لو اتحررت محتاجه سنين تتعالج نفسياً بسبب الي بيحصل فيهم

سلمي….ربنا يكون في عونهم يارب تعبوا اوي

نعيمه…..دي حقيقه والله.

رن موبايل نعيمه نسمه كانت بتتصل بيها ڤديو كول