لقاء كـ،ـ،ـارثي
خرج فضل قعد معاهم عادي سالوا عن رشيد قالهم بيكلم ايمي و جاي خلص رشيد المكالمه وقرب عليهم
رشيد….بصلهم ااا بقول ايه البنات كلموكم قالولكم حاجه
سلامه….حاجه ايه
رشيد….انتوا عارفين ان نعيمه وصلت انهارده
بص فضل بسرعه علي رشيد و كلهم لاحظوا لهفتوا
عشري….بابتسامه اه عرفت اقعد
فضل…..بص لعشري عرفت ايه ؟ و امته؟
عشري…لا متبصليش كده انا لسه عارف حالا و انتوا في الحمام ليله كلمتني
رشيد….وانا ايمي لسه قيلالي هما لسه عارفين اصلا
عشري…..وصلت انهارده الصبح نادين و ميدو راحوا جابوها من المطار
بص فضل لميدو بسرعه
عسال….بابتسامه هاديه لا بلاش البصه دي و رحمه امي و ابويا ما كنت عارف حاجه هي قالت لنادين بس لان مش معاها مفتاح البيت و قالتلها متقزلش لاي حد و طيارتها كانت هتوصل الساعه سته ونص الصبح يعني عشان تروح نادين تاخدها هتنزل الفجر و هيبقي متاخر فا اضطرت تعرفني و اكيد انا مش هسيب نادين تنزل لوحدها و بعدين هي قالتلي متعرفش حد عشان نعيمه عايزه تعملها مفجأه و انا روحت بس عشان ابقي مع نادين و اجيبهم وصلتها ومشيت
سلامه…..وبعدين يا اخويا كان هيقولك ليه مش انت عامل فيها سنجل
فضل…..بس ياض شويه كفايه رغي
عسال….فضل اوعي تكون زعلان حط نفسك مكاني
فضل….مش زعلان يا ميدو انت كمان انا بس اتفاجئت مش اكتر وكويس انك كنت معاهم
حسان…..طيب الباشا ناوي علي ايه
رشيد….هيكون علي ايه يعني هيتصالحوا طبعا هيروحلها ويتكلموا خلينا نخلص من النزناز ده يا فضل بقي عايزين نفرح كفايه نكد
عشري….انت انهارده قولتلي ان كان عندك نيه انك تروحلها و بتفكر في الموضوع واهي جات لحد عندك بعني مبقاش في حجه
حسان….بص يا فضل بمناسبه اني زعلان منك و كنت عايز اتكلم معاك كويس ان الكلام جاب بعضه انا شايف يا صاحبي انك جاي علي نعيمه شويه
فضل…..انا با حسان با جدعان بجد بلاش تحملوني ذنب حاجه انا مليش ذنب فيها اهو ميدو قدامكم اسألوا انا كنت واقف قدامه مصدوم ازاي من اللي حصل و زي الحمار لا فاهم ولا عارف حاجه وقبل ما نادين توصل انا كنت كويس و عمال اتصل عليها قدامه و هو سألني مالك قولتلوا نعيمه موبالها مقفول يعني كنت قلقان و معرفش انها سافرت اصلا
حسان….انا لا بحملك ذنب حاجه ولا بقول انك عملت حاجه انا بتكلم في اللي حصل بعد كده انا فاهم انك اتصدمت و الحوار كله مجاش معاك سكه بس النقطه اللي مختلف معاك فيها ان صدمتك خليتك خدت قرار التسليم للأمر الواقع و محاولتش حتي من باب الفضول تعرف سبب الي عملتوا
