لقاء كـ،ـ،ـارثي
فضل…ما انا هعرف ازاي يا حسان هي قلعت شبكتها و روحت البيت عشان اروح اتكلم معاها واسألها دي خدت بعضها وسافرت قبل ما الحاجه توصلني و فضلت قافله موبايلها خمس ايام ولا اسبوع لا ادتني فرصه افهم ولا حتي اعرف انتوا لازم تفهموا اني كنت عامل زي اللي متكتف و غصب عني الحوار ضايقني يا حسان واه لا كنت عايز افهم ولا اعرف
حسان……تمام بس في امور يا صاحبي مش بتتاخد كده في حجات لازم نطول بالنا عليها عشان علي الاقل نفهم و نستوعب انما انت قفلت علي نفسك حتي احنا كنت مانعنا نتكلم و قفلت الحوار خالص
واحنا قدرنا موقفك و سيبناك براحتك انما بعد كده لازم تفك و تفهم
عسال…..فضل انا شايف انه حقك و غصب عنك و انا شوفت صدمتك بنفسي و كل ده انا معاك فيه بس مفيش حد يا فضل بياخد قرار مفاجئ يغير مجري حياته كده مره واحده الا لو كان في سبب يعني تسيب شغلها و اهلها وصحابها وانت و تبقي نفسيتها بالمنظر ده مره واحده اكيد في حاجه وصلتها لكده
فضل…..طيب ما انا سألت و حاولت افهم قبل ما توصل لكل ده مقالتش حاجه
عسال…ماهو انت مش مطلوب منك تعمل حاجه غير انك تطول بالك زي ما حسان قالك لان انت المفروض كبير و عاقل بما فيه الكفايه عشان تقنع نفسك ان ده مش طبيعي و مهما قالت مفيش حاجه لازم تبقي مقتنع انه فيه نعبمه بتحبك وبتحبك اوي علي فكره و مفيش حد بيحب حد يا فضل بيبعد عنه من غير سبب
فضل….قصدك ان انا السبب
عسال…لا مش شرط بس اقصد ان هي عندها سبب
سلامه…..ميدو يقصد ان اكيد عندها مشكله او في حاجه ضايقتها واثرت عليها مش شرط تبقي انت السبب و يمكن تبقي انت و مخدتش بالك عشان كده كان لازم تفهم
رشيد….بص يا فضل انك تبعد و تاخد جنب و متحاولش تسأل انا فاهم انه موضوع كرامه بس تصرفك ده يا صاحبي مش هيتفهم كده بالعكس اللي هيشوف رد فعلك هيفكر ان في حاجه انت عملتها او انت السبب لان الطبيعي اي حد بيسأل بيفهم بيهتم سكوتك طلعك غلطان و محاولتش و مفرقش معاك و اختفائها هي اول فتره من السفر يأكد ده
فضل…طيب ما هي قايله في رسايلها ان انا معملتش حاجه
رشيد….ماشي يا حبيبي وده سبب ادعي يخليك بره منطقه الشبهات و يعفيك قدام نفسك و قدام الكل في حتت الحفاظ علي الكرامه لو بصتلها من حته تانيه مش هتفكر في الكرامه دي لانها معملتش معاك حاجه وحشه اه سافرت من غير ما تعرفك و اه بعتتلك دهبها و نهت الموضوع بينكم بس ده علي الاقل يخليك تقلق عليها تهتم تحاول تعرف هي فيها ايه او بتمر بأيه
