لقاء كـ،ـ،ـارثي

نعيمه….بدموع خلاص والنبي بقي

نادين…..قربت من سلمي لومي خلاص عشان خاطري

بعدت عنها سلمي و هي دموعها نازله و ضربتها في كتفها

سلمي….انتي فعلا حيوانه

نعيمه….بابتسامه مسحت دموع سلمي وحشتيني اوي

سلمي….بعياط مش بيقف وانتي وحشتيني اوي

ايه…..بضحك وهي بتمسح دموعها منك لله يا نعيمه الكلب عجبك اللي عملتيه فينا ده

حضنتها نعيمه هي وسلمي اوي

نعيمه…..حقكم عليا والله وحشتوني يا جزم

سلمي…..انتي خسيتي ليه كده

نعيمه…..بضحك هو باين عليا اوي كده

سلمي….ايوه انتي كويسه يا نعيمه

ايه…..باين عليكي اه

نعيمه….انا كويسه والله بس عشان كنت لوحدي و اوقات مكانش بيبقي عندي نفس بس بخير والله العظيم نودي هاتيلهم مناديل

نادين…..امسكوا

ايه……بضحك الجيوب الانفيه بوظت الترنج بتاعك تستاهلي

نعيمه….بضحك الله يقرفك فداكي يا ستي وحشتوني اوي عاملين ايه علي فكره انتي كمان خاسه يا سلمي

سلمي….بابتسامه و هي بتمسح دموعها ماهو من حسان ساحلني معاه بنجيب العفش وكل حاجه غير الشغل طالع عيني

نعيمه….طيب خلصتوا ولا لسه

سلمي….خلاص هانت حجات بسيطه

نعيمه…..طيب الحمد لله وانتوا الاتنين صحيح

ايه…..انا بدات اتسحل مع سلامه بس مش اوي لان تامر لسه مخلصش بيفنش يخلص بس و هنكمل في حجات بس اتحجزت و هتيجي لما يخلصوا

نعيمه….بضحك يا لهوي هتبقي عروسه مش متخيلاكي خالص

ايه…..بضحك مش لايق عليا صح

نعيمه….لا يا اختي هتبقي احلي عروسه و الصغنن بتاعنا

نادين….احنا كمان تامر لسه شغال بس حتي لو خلصنا احنا مربوطين بنزول ماما و بابا

نعيمه…..عسال هيجيب اخره خدي بالك هيتجوز علي نفسه

ضحكوا كلهم

ايه….هو غالبا اتجوز علي نفسه فعلا يا عيني كان عامل حسابه اول واحد يتجوز بعد عشري وليله

نعيمه…..معلش مش مهم عشان ابوها وامها يبقوا هنا بس برضوا استعجليهم

نادين…..هو نزول ماما سهل المشكله في بابا هي قالتلي شوفي هو هيقدر امته وانا اي وقت هاجي

نعيمه….طيب خير ان شاء الله تعالوا اقعدوا يلا تشربوا ايه

سلمي….ولا حاجه اقعدي انتي وحشانا لما يجوا البنات نبقي نشرب

نادين….صحيح فين نغم

نعيمه….اه هي فين مجيبتوهاش ليه

ايه….مرضيتش

سلمي…اتحايلت عليها كتير والله عشان متقعدش لوحدها بس هي مكسوفه قالتلي اكيد نعيمه وحشاكم