لقاء كارثي
لقاء كارثي
نغم…. طيب اوك البنات خرجوا صح
ليله….اه يلا تعالي شوفيهم قبل ما ننزل
خرجت ليله و هي ماسكه نغم في ايدها
ليله…تامر تاااامر
بص تامر علي ليله ولمح اخيرا نغم ابتسم بهدوء و بص علي فستانها
و قرب منهم
ليله….دي شنطه نغم خليها معاك في العربيه و خليها معاك هي مكسوفه مكانتش عايزه تخرج
تامر…ااا ماشي يا ليله
ليله….روحي يلا الاول سلمي علي البنات
نغم….ماشي
قربت نغم من ايه وسلمي ابتسموا بسعاده لما شافوها و هي بصتلهم ودمعت و ضمتهم
نغم…..شكلم بجنن ماشاء الله
ايه….وانتي كمان زي القمر
سلمي….ايه الحلاوه دي كلها مسحت دموع نغم
ايه….متعيطيش عشان الميك اب هيبوظ
نغم….تجننوا والله
سلامه…عقبالك يا نغومه
حسان….عقبال ما نفرح بيكي يا نغم
نغم….ميرسي يا حسان ميرسي سلامه مبروك بجد
سلامه…الله يبارك فيكي يا قلبي
حسان…..يلا خليكي معانا بقي هننزل
نغم…..يلا انا معاكم اهو.
بداوا يتحركوا ليله بصت علي عشري لاقته ماددلها كفه و هو ملامحه لسه غضبانه قربت بهدوء و مسكته
ونزلوا كلهم مع بعض تامر بص علي نغم خطوتها كانت غير خطوته
تامر…..يلا قربي
نغم…..حاضر
تامر…..مش عارفه تمشي في الهيلز ولا ايه
نغم….ااا يعني شويه
تامر….طيب علي مهلك مشاها قدامه وفضل يبص علي فستانها و كان حاسس انه مضايق شويه الفستان قصير خالص رغم ان جسمها صغير بس كان شكلها ملفت جدا و زي القمر بجد
نزلوا كلهم علي تحت و بداوا يركبوا العربيات عشري فتح الباب للياه وبصلها
عشري…..البنات فين ؟
ليله….هيركبوا مع تقي وعدي
قفل الباب و راح وقف قدام العربيه و بعدين قرب من الشباب استني يشوف الكل ركب ولا لا
عشري….حسان اركب انت يلا كده عشان مش هيخلصوا
حسان….طيب يركبوا بس الاول عشان نتحرك
عشري… اركب وانا هركبهم يلا بس
حسان….طيب تمام
عشري…..رشيد يلا اركب
رشيد….طيب تمام
عشري…..رجلك تمام
رشيد…اه تمام يلا بس ركبهم الكل وصل مش عايزبن نتأخر
عشري….حالا يا ميدووووووو ما تيلا ياعم
عسال…..الكل نزل
عشري….نزلوا يلا انت بس انجز يا سلامه
فضل…..سليممممم نادر فين
سليم….في العربيه ركب
فضل…طيب يلا بسرعه
عشري…..يلا تااااامر
تامر….يلا يلا هركب فتح لنغم الباب و بعدين حط الشنطه في العربيه و لف بسرعه ركب
بقوا عمالين الشباب يروحوا ويجروا و الملاكسات شغاله و اصوات الكاسيت العاليه اللي خارجه من كل عربيه و زغاريط نعيمه و امنيه و ريهام اللي مش بتقف.
