لقاء كارثي
لقاء كارثي
ليله….قمر طبعا
نغم….انتي اللي قمر والله
ليله….بقولك ايه القمر اللي جنبك ده انهارده هيبقي مضايق و زعلان و متأثر عشان سلمي وايه مش في البيت خليكي جدعه بقي وروحي باتي معاهم انهارده
نغم….بابتسامه بس كده عيوني بس هيفضل بقي زعلان و حزين
ليله….لا مهمتك انتي دي بقي ورينا شطارتك ومن الاخر كده لو فضل زعلان يبقي انتي مش مسيطره و هو مش بيحبك
احمد…..شوف البت بتوقعنا في بعض ازاي لا بحبها طبعا
ليله…..طب خلاص يبقي ممنوع الزعل ممنوع العياط ممنوع تتعب تاني و ضغطك يترفع هما مش مهاجرين و بعدين ربنا بعتلك بنوته قمر اهي
احمد…. بابتسامه والله يا ليله معاكي حق ربنا مش بيعمل اي حاجه كده صدفه ربنا بعتلي نغم في اكتر وقت انا محتاجها فيه
ليله….ايوه يا عم
نغم…..حبيبي ده ربنا اللي بعتك انت ليا
ليله…اهو كده بت يا نغم انهارده مش عايزه حمودي القمر ده يزعل خالص
نغم….لا مش هيزعل متقلقيش
ليله….ربنا يخليك ليهم يا حبيب يويديك الصحه و تفرح بنغومه وتفرح بتامر و يملوا عليك البيت عيال و نجيلك احنا كمان بعيالنا و تطردنا كلنا بنفسك
احمد….بضحك يلا اتجدعنوا كلكم ونبقي نشوف حكاية الطرد دي بعدين
ليله….بحب ضمته حبيبي انت يلا رجعالك تاني
احمد…..روحي يا قلبي بنت حلال ليله دي و طيبه اوي
نغم….جميله بجد
احمد….ربنا يسعدكم كلكم يارب
ايمي….راحت وقفت مع نعيمه والبنات ورحاب منورين يا بنات
ساره…..ايه القمر ده يا ايمي
ايمي….انتي اللي قمر انتوا بقالكم كتير هنا
ملك….لا احنا جايين قبلكم بربع ساعه تقريبا
ايمي…..طيب كويس و الحمد لله الطريق حلو احنا كنا متأخرين ازيك يا رحاب
رحاب….الحمد لله يا ايمي ماشاء الله عليكي تجنني
ايمي….انتي والبنات اللي قمر
رحاب…..حبيبه قلبي قربتي تولدي ولا لسه شويه
ايمي….امممم والله يا رحاب هو لو هولد في التاسع زي الناس يبقي قدامي حوالي اربع شهور هولد في السابع زي ما الدكتوره متوقعه لانهم توينز يبقي قدامي شهرين
ملك…انتي كده في الخامس
ايمي…اه لسه في اوله
رحاب….ربنا يقومك بالسلامه ومش هتفرق امته المهم تقومي بالف خير
ايمي…يارب دعوانكم بقي عشان علي قد ما انا متحمسه علي قد ما الرعب بدأ
ملك….ولا رعب ولا حاجه متخافيش
رضوي….هتنسي علي فكره و مش بعيد بعد السبوع تفكري في الحمل تاني كلنا كده
