لقاء كارثي

باقي التيم بداوا يعملوا ميك اب للبنات الوقت كان عمالي بيجري

حسان و سلامه طلبوا الغداء و بداوا يطلعوا في الغرف

توما خلص سلمي كان فاضل لمسات بسيطه سابها في الاخر لما تاكل و تلبس عشان يحط التاتش الاخير

وراح بسرعه علي أيه بدأ معاها الميك اب

التيم كله كان عامل زي خلية النحل طالعين داخلين من الغرف و عمالين يبدلوا بيسابقوا الزمن لانهم اتأخروا اوي و المفروض سبعه دي يكونوا مشيوا اصلاً من الفندق و يروحوا علي طول علي الفرح

ليله اكلت بنات اخوها و كانت مهتمه بيهم حابه تفرحهم و كالعاده داخله خارجه بتشوف البنات و شايله هم الكل راحت بصت علي سلمي الميك اب بتاعها كان يجنن بس لسه لا لبست ولا فنشت شعر ولا حتي ميك اب بس شكلها كان بدأ يظهر خلتها تاكل

عشري كان كل شويه يكلمها يشوفها محتاجه حاجه

و الشباب بيتصلوا علي البنات

خلص بسرعه توما لأيه و جري بدأ مع ايمي راحت ليله اطمنت علي ايه كلت ولا لا و بعدين رجعت تاني علي الغرفه خلت البنات يلبسوا كان معاهم بنوته صغيره من التيم عملتلهم شعرهم و ليله حطتلهم ميك اب بسيط خالص لايق علي سنهم كانوا زي القمر

بعد كده قامت تلبس هي كمان عشان تلحق الوقت كان بيجري

البنات كلهم بدأوا يلبسوا بسرعه ايه و سلمي كمان لبسوا فساتينهم كانوا طالعين قمرات

عمرو بدأ تاني الشعر مع أيه لان شعرها طويل و هياخد وقت

خلص توما الميك اب بتاع ايمي و راح بسرعه علي ليله هو والبنات المساعدين معاه كان عامل زي المكنه حرفياً وفنفس الوقت بيمر علي باقي البنات عشان يطمن غلي شغله و يشوف الميك اب عاجبهم وزي ما هما عايزين ولا لا ظبط حاجه بسيطه لنعيمه في رسمة العين خلتها بيرفكت و قمر

علي الساعه سته كان يعتبر كل البنات لبسوا في منهم خلص و في منهم بيفنش عمرو ظبط شعر سلمي و ظبطاهم الطرح كانوا حلوين بشكل مش طبيعي و طبعا اخر ساعه ونص مكانش بيدخل عليهم حد خلاص عشان يتفاجئوا بيهم

الشباب لبسوا و بعدين راحوا يساعدوا سلامه و حسان و يظبطولهم بدلهم وشكلهم كانوا يجننوا بجد هيبه وجمال و شياكه

استغل البنات وجودهم في الغرف و اتجمعوا كلهم في غرفة واحده كلهم كانوا متجننين من جمال بعض

اتصورا كتير طبعا من غير سلمي و ايه كانوا لوحدهم خالص ليله مبطلتش معاكس في البنات وبالاخص ايمي مكانش في حد فيه غلطه حتي حنان كانت زي القمر وقوره وشكلها يجنن