لقاء كارثي
لقاء كارثي
و كالعاده ايمي حست بيها من اول ما شافت عشري بيقرب منها و غضبه اللي كان بيحاول ميظهروش و بعدين و قفته بعيد عنها كام خطوه..
قربت منها و باستها في خدها و همستلها
ايمي….البلطجي قفش
بصتلها ليله و ابتسمت و هزت راسها
ايمي…..معلش غيران عالقمر حقه انتي شكلك تحفه و هو اتصدم بس الوقت يروق عرفتيه ان ده مش جسمك
ليله…عارف بس هو قفل
ايمي…..بضحكه جميله الوقت يفتح تاني اتبسطي بقي
ليله….ماشي فين البنات ااا خلي تامر اللي يدخل يجيبهم
ايمي….اه استني اما اقولوا
راحت ايمي علي تامر
ايمي….تيمو تعالي خرج البنات يلا
تامر…بابتسامه ماشي يلا
البنات خلوا سلامه و حسان يلفوا ضهرهم كانوا متحمسين و مبسوطين اوي و الشباب عمالين يضحكوا ويضحكوهم البنات كمان كانوا متحمسين جدا محدش شافهم بعد ما خلصوا
ايمي…..بهمس رشيد خلي البلطجي بتاعك ميسيبش لولي واقفه لوحدها بدل ما اطلع عينه
رشيد…..هما مالهم زعلانين ولا ايه
ايمي…قافش عشان الفستان
رشيد…ماله الفستان؟
ايمي….قول انت بقي والله هروح انفخوا
رشيد….بضحك طب تعالي معايا
قربوا من عشري كان بيشرب سيجاره و واقف وس الشباب
رشيد….ايه ياعم في ايه مالك
عشري….زي الفل
ايمي…و غلاوة امك الحوار مش محتاج نكد مينفعش تقف بعيد كده
عشري…ايميييي انا علي اخري
ايمي….بضحكه جميله لا هات اخرك يا اخويا و وريني حلاوتك هتعمل فيها عصبي هعمل فيها مجنونه ماله الفستان ما حلو اهو
عشري….انتي شايفه انه حلو
ايمي…..بصت لرشيد و ضحكت ده انت طلعت ملاك
رشيد…..بضحك عشان تعرفي قيمتي يا اوزعه انت ياعم الفستان خلو وشيك متنكدش عليها بقي بالله عليك
عشري…..يا عم انا لا نكدت ولا عملت حاجه لسه انا ساكت وحل عني انت و مراتك بقي
ايمي….بضحك علي كده رشيد المفروض يدفني حيه
رشيد….بضحك وحياة امك لا هدفنك بس لما نرجع
عشري…..ياريتها لبست زيك كان هيبقي فستان صريح
ايمي….يعني انت شايف ان فستاني محترم الله يسترك سامع يا رشيد الغي الدفنه بقي
عشري…..اه علي الاقل مفهوم انما هي هتخلي كل واحد يبص عليها عشان يتأكد ده جسمها ولا لا
رشيد….ياعم المهم انك عارف ان ده لون الفستان متنكدش بقي وغلاوة ليله عندك
عشري…بقولك ايه اسحب انت والاوزعه مش وقتكم
ايمي…..لو نكدت علي البت اللي حيلتي هنكد عليك انت وصاحبك
