لقاء كارثي
لقاء كارثي
بصلها بغضب بسيط و قرب منها اكتر و هو باصصلها و همسلها
عشري…. حسابنا مش الوقت
ليله….يعني ايه؟
عشري….كلامي مفهوم يا ليله
ليله….بابتسامه هاديه رفعت حاجبها و حبت تغير المود ااا لا مش مفهوم
عشري بصلها بغضب
ليله…طيب قولي في ايه ؟
عشري…..بصيتي علي نفسك؟
ليله…اااا هو لو تقصد الفستان فا علي فكره ده مش جسمي ده قماش لون الجسم عادي
عشري….لا مانا مش جاي من وراء الجاموسه عارف والله انه قماش لون الجسم.
بس ايه هنشرح للناس ان ده مش جسمك و لا نسيبهم يتأكدوا بنفسهم و كل واحد يحط عينه عليكي و طول الفرح بقي اللي رايح و الجاي عينه راشقه في جسمك عشان يخمن صح
ليله…..لا ماهو الناس مش غبيه اكيد مش همشي كده يعني
عشري…..بغضب بسيط و صوت واطي ….أم الناس كلها
بصتلوا ليله بصدمه و ضيقت عينها و سكتت
عشري…ولا يفرقوا معايا انا هيفرق معايا بصتهم علي جسمك عشان يتأكدوا ده جسمك و لا قماش يعني هتخلي الشعب كله عينه لازقه فيكي
وديني يا ليله لولا اني مش عايز انكد عليكي بجد كان زماني حالف ما تخرجي من هنا الا لما تغيري
ليله…..اااا طيب احنا فيها متعصبش نفسك هغير و هلبس اللي جيت بيه
عشري…..طب بصي عشان انا تكه كمان و هسمعك سحبه محترمه بلاش الطريقه دي و بلاش تلوي دراعي عشان ممكن اخليكي تغيري بجد فا اوعي تحاولي تسكتيني باسلوبك اللي انا بقيت حافظه ده عشان انا مش هسكت فا لسانك في بوئك بقي و اهدي عليا الوقت خالص
بصتلوا ليله وسكتت و رغم قوتها وجرئتها و عدم خوفها من اي مخلوق بس قررت تسكت عشان هي كده عارفه ان عشري علي اخره
مشي بهدوء كام خطوه و ولع سيجاره و رجع ابتسم تاني عشان محدش يلاحظ
كلهم كانوا بيتكلموا ويضحكوا و مقضينها زغاريط
قربت منها تقي بهدوء
تقي….لولي
ليله….بابتسامه ايه يا قلبي
تقي….في حاجه انتي كويسه
ليله….اه كله تمام يا حبيبي
تقي…ااا طيب انا هاخد ديچا و كنزي معايا انا وعدي
كنزي….لا انا عايزه اركب مع ليله
تقي….كوكو مش هينفع ليله ممكن حد يركب معها و بعدين احنا هنشغل اغاني و عدي هيطلع العاب ناريه عشان تتفرجي
كنزي….بابتسامه اوك
تقي…..بصت لليله هاخدهم ماشي
ابتسمت ليله بهدوء و هزت راسها
تقي حست من كلامهم من بعيد ان في مشكله فا محبتش البنات يبقوا معاها عشان تبقي براحتها
