لقاء كارثي

وبعدين قربت منهم بنت معاها مبخره سلمي بخرت ايه وهي مبتسمه و فرحانه و ايه بخرتها و بعدين ضموا بعض الاتنين و مسكوا كف بعض الاتنين ضربات قلبهم مكانت ثابته في مكانها نفسهم طالع نازل الانوار اشتغلت مع الالعاب الناريه و ظهروا بالكامل ابتسموا و ملامحهم كانت باينه عليها انهم متاخدين اوي و المشهد كبير عليهم

صوت الزغاريط والتصفير و التصقيف كان عالي احمد بدا يفقد ثباته شويه شويه بتاثر عينه عليها منزلتش

اتحرك هو وتامر بهدوء كام خطوه

و بعدين احمد وقف عشان يطلع تامر يجيبهم كل الترتيبات دي حسان وسلامه كانوا معرفينهالهم من وقت ما بداوا تجهيزات الفرح

طلع تامر بهدوء و شغلوا اغنيه الفرحه اللي انا حاسس بيها..

طلع و فرد ايده بسعاده ليهم هما الاتنين و ابتسم و بعدين بصلهم بتأثر و دموعه مقدرش يخفيها اكتر من كده عيطت سلمي و حضنتوا اوي
ايه كانت واقفه جنبهم وعماله تعيط و بصالهم

و البنات تحت دموعهم نازله المشهد كان مؤثر بشكل فظيع الشاشات جيباهم الثلاثه بيعيطوا

ساب سلمي وقرب من ايه ضمها فضلت تعيط في حضنه زي الاطفال
وسلمي جنبه بتمشي اديها علي ضهره و بتمسح دموعها

احمد.مكانش قادر يمسك نفسه اكتر من كده ودموعه نزلت بوجع

ضمهم تامر هما الاتنين في حضنه و بعدين مسح دموعه باس كف سلمي و باس كف ايه و لف وقف وسطهم و مسك كف كل واحده فيهم و هو مبتسم بسعاده و نزلوا بهدوء مع بعض لحد احمد و الاغنيه اتغيرت

واشتغلت اغنيه(( بنت ابويا))

اول ما شافهم والاغنيه اشتغلت
دموعه نزلت و هما كمان دموعهم نزلت فتحلهم ايده وخدهم الاتنين في حضنه و انهار حرفيا من العياط

تامر كان واقف دموعه ماليه عينه و باصص لابوه وخايف عليه و واقف في ضهره يطبطب عليه

تأثر احمد مخلاش حد في الفرح مدمعش او اتأثر او عيط

و عياط البنات وجع قلوبهم كلهم مع الاغنيه كان المشهد مؤثر بشكل فظيع البنات انهاروا حرفيا معاهم و الشاباب كانوا جنبهم بيطبطبوا عليهم و مبتسمين

بعد احمد عنهم وباس ايدهم و هما باسوا ايده بحب مسحوله دموعه وهو مسح دموعهم و بعدين ابتسم مش عايز ينكد عليهم بس قلبه مش قادر يضحك هيفارق حته منه انهارده

و بعدين اشتغلت اغنيه هاديه و هز احمد راسه لحسان وسلامه عشان يقربوا

اتحركوا بهدوء لحد ما وصلوا قدامهم التاثر كان بيان علي البنات و دموعهم لسه منشفتش