لقاء كارثي
لقاء كارثي
عشري….تمام يا ليله لما نوصل ابقي خدي مفتاح العربيه و روحي حلو كده
بصتلوا بزعل و بعدين بصت قدامها و سكتت.
كملوا طريقهم ساكتين و هو حس انها بجد زعلت و قفلت و بتتكلم جد فا خاول هو يهدأ و يرجع خطوه لوراء
ودي كانت احلي حاجه في علاقتهم المتعصب فيهم التاني بياخد خطوه لوراء و يسيبه يهدأ
و قت بسيط و وصلوا القلعه دخلوا كلهم وراء بعض بالعربيات استقبلهم الودينج بلانر و خدوا منهم سلامه و ايه و سالهم علي بوكيهات الورد سلامه وحسان ادوهالهم
و بعدين ركبوا تاني بسرعه و لفوا علي المكان بتاع القاعه بدأوا يركنوا العربيات كل الناس كانت جوه خدوت سلامه وحسان من مكان تاني و بدا الشباب ينزلوا عشان يدخلوا جوه يستنوهم
ركن عشري و نزل فتحلها الباب الشباب والبنات كانوا واقفين مستنينهم بعيد
عشري…..مدلها كفه انزلي
نزلت بهدوء من غير ما تمسك فيه و بصتلوا
ليله….فين المفتاح
عشري….ليه بلاش جنان ويلا متزعليش البنات
ليله….عشري انا لا بقولك كده عشان تقولي الكلمتين دول ولا اي حاجه انا بجد عايزه اروح و مخنوقه لو فضلت هنا هنزعل من بعض و انا مش عايزه كده لو عالبنات انا هراضيهم بمعرفتي بس انا قفلت خلاص و مش هعرف اقعد
عشري…..طيب ما بلاش قلب التربيزه ده عشان انتي عارفه كويس اني مليش فيه
ليله….ورحمه امي ما بقلب التربيزه انت زعلان اوك حقك بس انا مش عايزه افضل هنا حقي مش هفضل غصب عني
عشري…..البنات مسابوكيش في فرحك و لو كانوا عملوها مهما كانوا قالوا اعذار مكنتيش هتسامحي و هتفضلي شيلاها و زعلانه
بصت بعيد و هي عماله تضغط علي شفايفها بغضب
عشري….يلا يا ليله
ليله….اووووف عشري ورحمه امي ما هعرف خلاص انا عايزه امشي مخنوقه بقولك
عشري…..طيب انتي زعلانه ليه يا ليله مش شايفه انه حقي اضايق او اغير او اعترض علي حاجه مراتي لبستها وهتخلي اي حد ملهوش لازمه يبص علي جسمك
ليله…..انا مش زعلانه يا عشري انت صح
عشري….لا بلاش انت صح دي اللي معناها باخدك علي قد عقلك عشان متطلعيش …امي و اتعصب اكتر
ليله…..يطب بطل شتيمه والفاظ عشان كده بتعصبني اكتر
عشري….اخبطي دماغك في اتخن حيطه يا ليله عشان فستانك معصبني
ليله …هو انت عايز تعمل مشكله بجد وخلاص انا لبست فساتين مكشوفه اكتر من كده و مكنتش بتتعصب بالشكل ده
