لقاء كارثي
لقاء كارثي
الوقت كان بيمر و اخيراً الكل خلص الشباب بدأوا يخرجوا من غرفهم رايحين جايين علي اوض بعض
عسال عمال يعدل الكرافته لسلامه و يظبط بدلته و يحطلوا برفيوم
التيم بدأ جزء منه يخرج من الغرفه و يروح الغرفه اللي قاعدين فيها عشان يلموا حاجتهم
مفضلش معاهم غير توما و عمرو بتاع الشعر خلصوا كل حاجه
خرج توما للشباب
توما….مبروك يا شباب
الكل ضحك علي طريقته
سلامه….الله يبارك فيك يا توما
حسان….الله يبارك فيك يارب
رشيد….خلصوا خلاص يا توما
توما….اه الكل خلص خلاص دقايق ويخرجوا بس الله اكبر عليهم قمرات عرايسنا يجننوا و البنات كلهم حلوين اوي
عشري….بضحكه جميله همس لعسال هموت واعرف معانا ولا علينا
عسال….بضحك والله ما هتفرق في كل الاحوال بطمن وهو مع البنات لوحدهم
ضحك عشري
راح توما تاني علي الغرفه عشان يطلع البنات
توما….ايه يا بنات جاهزين خلاص
ايمي…..انا جاهزه و تقريباً الكل جاهز بس قولي ايه رايك
توما…..مش ناقصك غير مجله تتحطي علي الغلاف بتاعها قمر طبعا هو في حد في جمالك يالهوي علي العيون اللي هتموتني خمسه عليكي و خمسه عليا
ضحكوا كلهم علي توما
ايمي….بضحك حبيبي انت يا توما
امنيه…..توما وانا وانا
توما….الله اكبر اخت ايمي هتبقي ايه غير قمر يالهوي يا بنات علي حلاوتكم كلكم بقولكم ايه الشباب بره علي نار ما تخرجوا يلا تصبروهم علي ما نخرج عرايسنا
ايمي…. بابتسامه انا خلصت يلا بينا چوي متنسيش اي حاجه
چوي….اوك مدام
توما…..طب استني انتي شويه خلينا نخرج ست الكل الاول
ايمي….يلا يا حنون تعالي
ريهام…استني خديني معاكي
خرج توما علي الباب بره و بص للشباب .
و بعدين بعد عن الباب شويه و خرجت حنان هي و ريهام
فضل….ايووووه بقي حنوووون
مصطفي…امي عروسه يا جدعان
بص محمود لريهام وابتسم
ابتسم سلامه بحب و قرب كام خطوه باس كف حنان وضمها اوي
ضمتوا بتأثر فظيع و طبطبت علي ضهره
حنان….ايه القمر ده مبروك يا نور عيني
سلامه….بابتسامه تجنن انتي اللي قمر يا حنون الله يبارك في عمرك يا حبيبتي بص لريهام و ابتسم وقرب ضمها اوي
ريهام…..بحب مبروك يا حبيبي ربنا يسعدك احلي عريس في الدنيا
سلامه…..ايه يابت القمر ده
ريهام…..طالعه لاخويا
باس عسال كف حنان و ضمها
عسال…..مبروك يا ام العريس
حنان….عقبال ما افرح بيك يا قلبي
