لقاء كارثي
لقاء كارثي
سلمي….تمام
تامر…..ايه امسحي دموعك ويلا خلينا نخرج
مسحوا البنات دموعهم و لبسوا نضارات فتح تامر الباب و خرج بالشنط الكتير بتاعتهم و هما خرجوا وراه.
كلهم كانوا واقفين بره مستنينهم عمالين يضحكوا ويهزروا
اول ما لمحوهم ابتسم حسان و قرب سلامه خطوه
ليله…اااا المتاخير حمرا يعني فيها نكد
نعيمه…..هما معيطين
ليله…ده اكيد عاملين مناحه مع حمودي
قرب سلامه من ايه اول ما قرب ابتسمت بهدوء
سلامه….صباح الفل يا عروسه
ايه…صباح الخير
حسان……حبيبي يومك جميل صباح الفل
سلمي…..صباح الخير يا حبيبي
سلم تامر عليهم هو و نغم و بعدين قربوا البنات منهم
عشري…..صباح الفل علي العرايس الحلوين اللي اخيرا هنخلص منهم
سلمي….صباح النور يا عشري اخباركم ايه كلهم
فضل…..تمام يا عروسه
ايمي….ايه يا بت الحلاوه دي انتي وهي هو اللي بتجوز بيحلو كده
سلمي…. بضحكه هاديه قولي لنفسك نودي نوني عاملين ايه ؟ ليله يا قلبي
نادين…تمام يا قلبي
نعيمه…كل ده
ليله….ايه بقي مش قولنا نبطل نكد عالصبح
سلمي…. بابتسامه حزينه تمام انا تمام
قربت ايه منهم بعد ما سلمت علي الشباب
ليله….قلبي ايه الاخبار
بصتلها ايه بحزن فظيع و قربت بسرعه من حضنها و فضلت تعيط
ايمي….انا قولت ايه البومه مش هتسكت
نادين….يويو بلاش عياط والنبي هعيط معاكي
ابتسم سلامه و قرب منها بهدوء حط ايده علي راسها و منطقش سابها
رشيد…ايه ده مالها ايه
فضل….بابتسامه بالله عليكم بلاش نكد عايزين مناسبه تمشي من غير النحس بتاعنا
ليله….طيب خلاص ممكن
ايمي….بت انتي كمان بتعيطي ليه
حسان….سلمي في ايه بس اهدي يا قلبي انتوا بقالكم كام يوم منكدين علي حمودي هيتعب والله
تامر….هو تعب من شويه اصلا و مضايقين عشانه
عشري…..ماله يا تامر
رشيد….تعب ازاي
تامر….ضغطه كان عالي
حسان….طب و انتوا سايبينه لوحده كده
تامر…..مرضيش خالص يا حسان افضل معاه اسالهم حاولت والله مش راضي وقال انه بقي كويس
ايمي….طيب خليه ينزل لبابا هما قاعدين مش بيعملوا حاجه
محمود….اه خليه ينزل او اطلع انا اجيبه يفضل معاهم و يتغدوا سوا و يلبس كمان تحت علي طول علي الاقل يبقي معاهم
تامر…انت عارف بابا مش هيرضي هو قالي بعد العصر هينزلهم
سلامه….ابوك دماغه ناشفه بقالي كام يوم بقنع فيه يجي معانا الفندق عشان ميفضلش لوحده مش راضي عايز يروح علي الفرح علي طول عشان يستقبل الناس
