لقاء كارثي
لقاء كارثي
اطمن عشري ان الكل ركب راح بسرعه ركب اتحرك حسان و وراه علي طول سلامه و بدأوا كلهم يتحركوا وراء بعض.
ليله كانت ساكته و باصه جنبها كل ما عربيه من البنات تعدي جنبهم تبتسم بهدوء و تحدفلهم بوسه
عشري كان جنبها مضايق بس هو كمان بيحاول يكون كويس عشان فرحة الشباب ولع سيجاره و عينه كانت علي الكريق و عمال كل شويه يشاور بايده للشباب اللي يطلع وراء واللي يمشي براحه و يكلمهم و يضحك معاهم
عشري…..مصطفييييي براحه
مصطفي….بضحك ايه مفكر هتسبقني هعلم عليك يا عشري
عشري….بابتسامه جميله ياض امك معاك اسبقك ايه واحده واحده
مصطفي….بضحك مين القمر اللي جنبك دي
بصتلوا لياه وابتسمت
عشري……طب بص قدامك بدل ما انزل اجيبك من رقبتك
حنان….سيبك منه وركز في طريقك
ابتسم عشري و كمل طريقه
طلعت ليله علبة السجاير من شنطتها
عشري…..من غير ما يبصلها متولعيش سجاير
بصتلوا ليله و مردتش عليه عضت علي شفايفها بغضب بسيط و حطت السجاير في الشنطه و بصت جنبها
ثواني
ليله…عشري انا عايزه اروح
بصلها بسرعه كانت باصه قدامها ملامحها باين عليها الزعل بتهز في رجلها جامد
عشري…..تروحي فين ؟
ليله….اروح البيت
عشري…نعمممم بصيلي وانتي بتتكلمي
بصتلوا و سكتت
عشري….بيت ايه اللي تروحيه
ليله….عايزه اروح مش عايزه اروح الفرح
عشري….ايه بتهدديني يعني
ليله…انا لا بهددك ولا جيت جنبك انا عايزه اروح البيت
عشري…..ده بجد يعني هتسيبي ايه وسلمي ؟!
ليله….معاهم البنات و محدش هيزعل مني انا هبقي اكلمهم
عشري بص قدامه و مردش عليها وكمل الطريق
ليله…..عشري انت سامعني صح
عشري….والله انتي مش فارق معاكي تسيبي صحابك انا فارق معايا اني اسيب صحابي في يوم زي ده لو علي رقبتي مش هسيبهم يا جدعه
ليله….انا مش جدعه تمام كده روحني و ارجع انا مقولتلكش خليك معايا او خلاص لما نوصل اديني مفاتيح العربيه و انت معاك اخواتك وفضل ابقي ارجع معاهم
عشري….. ليله انتي بجد عايزه تروحي و تسيبي البنات
ليله…يا سيدي انا حره انا مش جدعه و لو علي البنات متقلقش احنا مش بنزعل من بعض و لو زعلوا هعرف اراضيهم
عشري….اه بس همت مش هيتراضوا يا ليله اما تسيبيهم في اهم يوم في حياتهم هيزعلوا
ليله….بتنهيده زعل كبيره طيب انا عايزه اروح يا عشري و من فضلك انا بتكلم جد
