لقاء كارثي
لقاء كارثي
رشيد….هي مبداياً مش عمليه دي جراحه ليزر سريعه وانتي سمعتي وليد قال ربع ساعه بالكتير و بتخلص شويه و البنج يروح من رجلي وهتلاقيني عندك هفضل قتعدلك لحد ما اتحسن
ايمي….طيب بص انا دماغي جزمه قديمه وانت عارف فا خلينا نتكلم براحه من غير حلفان عشان معندش معاك
رشيد….بضحكه جميله والله انا لما بقفل دماغي ما بيبقي في اوسخ مني و دماغك دي هكسرهالك
ايمي….بضحك انت بتقولي انا كده
رشيد…اه بقولك انتي اعندي علي نفسك بقي والله ما هتيجي معايا
ايمي…..رشيد مش هعرف استني والله
رشيد….لا هتعرفي والله العظيم يا يايمي لو فضلتي مصممه وعماله تجادلي و تتعبيني هحلف ما انا رايح و ذنبي في رقبتك بقي
ايمي…..رشيد انت مش عايزني معاك بجد
رشيد….انا مش عايز اتعبك يا ايمي
ايمي….هو اشتكتلك ولا انا تعبانه اصلا
رشيد….ماهو انا مش هستناكي تشتكي و مش هستني اشوفك تعبانه عشان اريحك انتي بقالك زياده عن اسبوع مش مرتاحه من قبل كتب الكتاب و انتي طالعه نازله و اول امبارح كنتي بتفرشي لسلمي و اول اول روحتي انتي وليله جيبتوا الهيلز و بعدين روحتوا لنغم و قبلها فرح محمود كفايه بقي ده انا عندي تنزلي الشغل و تقعدي علي مكتبك اهون من التنطيط ده غير ان بقالك كام يوم تعبانه من الحمل
ايمي…..كداب انا مش تعبانه
رشيد….لا انتي اللي كدابه و تعبانه و ولاد الكلب دول مش مبطلين ضرب و حركه و امبارح مكنتيش قادره تقومي من مكانك
ايمي….علي فكره بقي انا ريحت و مكنتش بقوم عشان مش ورايا حاجه و قولت خليني مرتاحه
رشيد….و الله العظيم كدابه انتي كنتي تعبانه و بطنك شاده عليكي وشوفتك كذا مره عماله تمسكي في الكرسي و مش قادره ولما سالتك قولتي كويسه عشان متقلقنيش
ايمي…..بضحك انت بتراقبني يا رخم انت
رشيد….لو مراقبتكيش يعني مين يراقبك بس انا عارف ان موزضع تعبي مضايقك و مش حابه تزودي الحمل عليا
ايمي…..علي فكره عادي يعني هما كبروا وحركتهم بقت متعبه شويه و بينشفوا نفسهم في بطني فا طبيعي احس بوجع بسيط بس انت مالك انا و ولادي حرين و بنلعب مع بعض
رشيد….بضحك طيب خليهم ينفعوكي بقي اهم مطلعبن عين اهلك من قبل ما يجوا
ايمي…..بضحك حبيبي ولادي يعملوا اللي هما عايزينوا و هتاخدني معاك
رشيد….والله ما هاخدك
ايمي…احلف هخليك تروح و هتلاقيني في وشك في المستشفي انا عرفت مكانها
