لقاء كارثي

ريهام….يا ستي استهدوا بالله بس مش يمكن مع تامر او نغم خلينا نسألهم

سلمي….مفيش حاجه معاهم يا ريهام نغم حاجتها كانت في ايدها وتامر اداني حاجتي واداها حاجتها خلصت خلاص هي الهانم ركنت الشنطه علي جنب و ريحت دماغها

ايه……هو ايه اللي ريحت دماغي و ليه عملاها قصه اصلا انتي عايزه تتخانقي و تتعصبي وخلاص ما تشوفيها ظعاهم يمكن خدوها

سلمي…..انتي عارفه ان محدش خدها و ادام قولتي نسيتها يبقي نستيها فعلا بس دي غلطتي والله العظيم

ايه……سلمي متعصبنيش و وطي صوتك

سلمي….انتي كمان مش عاجبك

ايه….اه مش عاجبني بتزعقي ليه اصلا ما يترحق الكوتش علي حاجتك كلها اياك تزعقيلي كده تاني

سلمي…..اتلمي وحطي لسانك في بوئك و خليكي محترمه

ايه….انا محترمه غصب عنك

ريهام….يا بنات في ايه سلمي خلاص والنبي ايه اهدي شويه هتتحل والله

ايه…..لا هي سلمي خلاص طالبه معاها خناق مش حل

سلمي…ليه مجنونه عايزه اعمل مشكله معاكي وخلاص مش انتي اللي غلطانه مثلا

ايه…..لا مش غلطانه انا لما جهزت حاجتي جهزتها و حطتها بايدي مجيتش اعتمدت عليكي

ريهام….يا ايه استني بس بقي

سلمي….انتي صح انا استاهل ميت جزمه عشان اعتمدت عليكي يا ايه المره اللي اطلب فيها منك حاجه تندميني عليها

ايه…..يا بنتي بقولك نسسسييت نسيت القيامه قامت خلاص حياتك وقفت علي الكوتش

سلمي….لا موقفتش بس لو انا اللي سيبت حاجتك و خدت حاجتي كلها انتي مكنتيش هتسكتي

ريهام خرجت بسرعه و سابتهم عمالين يزعقوا و متعصبين خرجت جري تشوف لياه او ايمي او اي حد من البنات يهديهم

محمود كان واقف هو والشباب مع بعض

محمود…..ريهام في حاجه ؟

ريهام….ااا لا لا تامر بقولك ايه ايه و سلمي شادين مع بعض شويه روح شوفهم لحد ما انادي علي حد من البنات

تامر….ايه وسلمي

ريهام….اه

جري تامر علي اوضتهم بسرعه

محمود….في ايه يا ريهام مالهم

………..

تامر دخل بسرعه علي صوتهم الباب كان مردود

ايه…..بعصبيه متتكلميش معايا تاني ابدا

تامر……بااااس باس في ايه اهدوا

ايه….بدموع تامر خرج سلمي من هنا

تامر…..طب اهدي في ايه ؟ سلمي حصل ايه

سلمي…..اديت نغم شنطه فيها الكوتش قولتلها قولي لايه تحطه في الشنطه بتاعتي الهانم خدته و حطته علي ايد الكرسي و نسيته

ايه…. بدموع يا تامر اكيد منستهوش بقصد انا اصلا كنت مضايقه عشان بابا و مش مركزه و بعدين لما الشباب وصلوا نزلنا بسرعه هي ليه مأكدتش علي حاجتها