لقاء كارثي

احمد….يا ابني انا زي الفل متعصبنيش بقي و بعدين بدل ما تطمنهم خايف زيهم

تامر…طيب خليني معاك معلش

احمد….مفيش حد هيفضل معايا و مش هتسيب اخواتك ابقي اتصل عليا كل شويه انا اصلا بدأت اتحسن

تامر…طيب انت بتعند معايا ليه خليني علي الاقل معاك شويه لحد العصر اطمن عليك اكتر و بعدين هروحلهم

احمد…لا عصر ولا ضهر انا كويس و وسعوا كده وانتوا روحوا كملوا لبس قومي يا ايه

ايه…لا انا خلصت خلاص مش فاضل حجات كتير

احمد…طب روحي كملي يا حبيبتي يلا بقي انا قاعد اهو خلصوا وتعالو

تامر…قومي يا ايه يلا كملي روحي يا سلمي انتي كمان

سلمي….طيب هروح بس اساعد نغم

تامر…روحي كملي انتي عشان هيجوا بعد شويه انا هشوف نغم بابا ريح راسك كده شويه

احمد….ماشي يا حبيبي يلا يا بنات روحوا بقي

سلمي….قومي يا ايه خلينا نخلص و نخرج خليك مرتاح يا بابا

احمد…قاعد متخافوش

قام البنات و دخل تامر يشوف نغم بتعمل ايه و يساعدها

نغم….في حاجه بابا كويس

تامر…..كويس الحمد لله اساعدك في ايه

نغم…ولا حاجه خليك جنبه

تامر…. هو مرتاح شويه علي الكنبه خليني اساعدك

نغم….مفيش حاجه والله تساعدني فيها

تامر….طيب روحي كملي لبس و عرفيني بس اعمل ايه

نغم….انا بخلص بسرعه متقلقش بص لو عايز تساعد خد الحجات دي خلصت حطها بره

تامر…..ماشي

خمس دقايق و كل حاجه كانت جاهزه احمد بقي احسن شويه

ايه خرجت و قعدت جنبه تطمن عليه

نغم….بابا يلا قوم الفطار جاهز انا هروح اشوف سلمي

احمد….طيب يا حبيبتي يلا يا ايه قومي

ايه…طيب انت كويس

احمد…والله العظيم زي الفل اقوم اتنطط عشان تتأكدي

ايه….يعني مش بتضحك علينا عشان ننزل و نسيبك

احمد…..هحلف كدب يغني و الله العظيم بقيت زي الفل خلاص يلا قومي خلينا نفطر فين اخوكي

ايه…تعالي براحه انا هنادي عليه

احمد…يلا قام احمد قعد

ايه….تامر تامر يلا الفطار جهز

تامر….جاي حالا اهو

في غرفه سلمي

سلمي….نغم معلش ممكن تدي السنطه دي لايه فيها الكوتش الابيض عشان لو الهيلز تعبتني ابقي البسوا

نغم….طيب اقولها تشيلوا يعني ولا ايه

سلمي…قوليلها تحطه في الشنطه الكبيره

نغم…اوك يلا عشان تفطري طيب

سلمي…حالا جايه

خرجت نغم و ادت لايه الشنطه و قالتلها زي ما سلمي قالتلها

ايه….تمام يا نغم هاتي هي فين سلمي