لقاء كارثي
لقاء كارثي
عسال…..هو لا تحكم ولا خوف ولا فكره انك مش هتعرفي تشوفي شغلك من غيري
انتي عارفه اني مش شخص متحكم و من ناحيه الشغل انتي ميتخافش عليكي عارف ان شخصيتك في الشغل مختلفه عن نودي اللي انا اعرفها و تقدري تشغلي تحت ايديك رجاله بشنبات كمان و سيدة اعمال مشوفتش انجح منها بس حب اهتمام حجات تانيه كتير غير اللي قولتيه ده
نادين….طيب مش هتضايق يعني لو سافرت معايا و انا فضلت اشوف شغلي و انت مش بتعمل حاجه
عسال….لا مش هضايق هبقي مطمن عليكي و انا جنبك و مرتاح هتشوفي شغلك و مش هتدخل في حاجه بس كفايه اكون جنبك لكن ابقي انا هنا وانتي مسافره تشوفي شغلك وانا قاعد مستنيكي و قلقان و مش مطمن مستحيل
نادين…..طب اشمعني انا بقي ابقي قلقانه عليك ومضايقه من غيرك
عسال….انتي عارفه اني بجهز الفرح و بلاش تلفي و تدوري كتير غير كده مش هسيبك
نادين….بضحكه جميله طيب خلاص براحه بقولك ايه نادي بابي انا مبحبش اتكلم معاك
عسال….بضحك لا ماهو شكلها كده مفيش بابي تاني عشان الراجل ده هيبوظك و يدلعك
نادين…..بضحك طب علي فكره بقي اللي مصبرني عليك الراجل اللي مش عاجبك ده
عسال…..بضحك بقي كده
نادين…اه هو كده و خد بالك اول ما الاقيه هشتكيلوا منك
عسال…بابتسامه ولا بيهمني قوليلوا
نادين….ماشي هقولوا وهنشوف مش هيهمك ازاي
…………………
بعد وقت مش طويل اوي و صلوا الشباب علي الفندق
اتقابلوا مع حنان و ريهام و مصطفي
وكان معاهم نسمه و تقي و نادر و عدي و سليم اللي سبقوهم عشان يروحوا ياخدوا البنات و كان مع تقي اخواتها اول ما شاقوا ليله جريوا حضنوها
سلموا كلهم علي بعض حنان خدت ايه في حضنها بسعاده
سلامه…..مطلعتوش ليه علي الغرف يا مصطفي
مصطفي….احنا لسه واصلين مفيش ربع ساعه و قولنا نستناكم
سلامه…..طيب يلا تعالوا
تقي…..بهمس صممتي اجيب كنزي و ديچا وريني بقي هتعرفي تعملي حاجه ازاي معاهم
ليله….يابت انتي هتشيليهم فوق دماغك انتي مالك و مالهم
تقي…..يا ليله بخاف علي كنزي افرضي تاهت وانا بعمل حاجه
ليله…لا مش هتتوه ملكيش علاقه بيها اصلا انتي و نسمه و نغم مع بعض في غرفه وانا هخادهم معايا اتبسطي انتي براحتك و ملكيش دعوه بيهم
تقي……ما انتي هتتلخمي بيهم
ليله….ياستي انتي مالك بقي
تقي…طيب ما ديچا هتزعل لو مخدتهاش معايا
