لقاء كارثي
لقاء كارثي
حسان….بضحك قوم يلا من هنا
عسال….بضحك لو سمحت محدش ليه دعوه بعشري
حسان…..قدم السبت يا ميدو فرحك بعد اسبوع
فضل…..بضحك ده انا هعمل عليك حفله بنت حرام يا ميدو اتقل
عسال….بضحك يا جدع انت مالك و مالي كارهني ليه
فضل….بحضك مش عابز تتجوز قبلي قابل بقي
عسال….حلو هقابل و يا عم يا مرحب بالواجب بتاعك بس والله لا هوجب معاك واجب يطلع من نافوخك
عمرو……انا عايز ولاعه و لاعتي مش شغاله
رشيد….بضحك خد يا عمرو انت اتوجب معاك في فرحك
عمرو…..بضحك انا اتوجب معايا لدرجه اني معرفتش اقعد
ضحكوا كلهم علي عمرو
عشري…..عندنا طالعه واجب محترمه انهارده
حسان …بضحك عمرو انت محترم ملكش دعوه بالعيال دي
رشيد…..بضحك ده واجب يا جدع هتمنعه من انه يقدم الواجب
ضحكوا كلهم و فضلوا يهزروا و يضحكوا و يقلوا في ادبهم مع بعض
الباب كان مفتوح
و واقف بره مع بعض باقي الشباب تامر و عدي و سليم و محمود و نادر عمالين يضحكوا علي مصطفي
…………..
خرجت سلمي راحت اوضه ايه عشان مكانتش لاقيه الشنطه اللي فيها الكوتش وهي اصلا مودها مكانش كويس هي وايه و مضايقين عشان احمد و متوترين جدا من الفرح والاجواء غير الخوف الكبيعي اللي كل واحده فيهم كانت حاسه بيه فا حصل بينهم خلاف
سلمي…..ايه بقولك ايه انا ناقصني شنطه
ايه….شنطه ايه انا خرجت حاجتي كلها انا وريهام
ريهام……يمكن تامر نسي يدهالكم او يمكن مع نغم
ايه…. هو ايه اللي ناقصك ؟
سلمي…..الشنطه اللي كان فيها الكوتش الابيض انا اديته لنغم و قولتلها تديهولك تحطيه في الشنطه
بصتلها ايه بصدمه و هي بتفتكر
ايه…….يا نهار ابيض غالباً نسيته
سلمي….نسيتي ايه و فين ؟
ايه…..معرفش بس انا فاكره ان نغم ادتهولي فعلا انا سيبته بس معرفش اااا
سلمي….هو ايه اللي متعرفيش يا ايه انا بعتهولك معاها
ايه…..ما انا بقولك خدته بس غالبا حطيته علي ايد الكرسي عشان كنا بنفطر و تقريبا نسيته
سلمي…..بعصبيه هو انتي بتهرجي يا ايه
ايه…..انتي بتتعصبي ليه وطي صوتك شويه
ريهام…براحه يا بنات
سلمي….بتعصب عشان انا مبنفعش اعتمد عليكي في اي حاجه و تعمليها للاخر ابدا و بندم اني بطلب منك حاجه
ايه…..هو انتي ليه مكبره الموضوع خلاص مش قصه يعني
سلمب….ما طبعا مش قصه عشان لو انا اللي كنت نسيت حاجتك انتي مكنتيش هتسكتي و كنتي هتاملي مناحه
