لقاء كارثي
لقاء كارثي
رشيد…بضحك طب وانا ماااالي
عشري….ضحك هي النسوان كلها كده يا صاحبي
ايمي…لا وانتوا الشهاده لله ملايكه طب بقولك ايه عليك انت وصاحبك
رشيد….بضحك الله بت خدي هنا
ضحك عشري علي ايمي وراحت وقفت مع ليله
رشيد…منك لله اتاخدت في الرجلين بعد ما كنت ناوي اروقها علي فستانها هي كمان
عشري…ماهما الجوز دول كده اساتذه في قلب التربيزه
رشيد….بضحك ريا وسكينه
عشري…..يا جدع دول اوسخ والله
………
دخل تامر الاول علي سلمي اول ما شافها ابتسم ورفع راسه لفوق و بعدين قرب منها ضمها بكل قوته و هو عينه مدمعه
بعد وبصلها بصتلوا بتأثر و دموع
سلمي…..متزعلش مني انا اسفه حقك عليا
تامر….بسعاده كان نسي اصلا الخناقه باس كفها ازعل من ايه شكلك حلو اوي
سلمي….بجد
تامر….والله العظيم تجنني ايه القمر ده
ابتسمت سلمي و خلاص دموعها كانت هتنزل ضمته تاني اوي
تامر…مبروك يا ست البنات يلا تعالي حسان بره هيتجنن
سلمي…ااا طيب بجد شكلي حلو
تامر….والله حلو جدا يلا تعالي
خرج تامر قبلها و بص للبنات وابتسم
تامر….طب زغروطه بقي
فضلوا البنات يزغرطوا ماهم كانوا باصين معادا حسان وسلامه عمال يلف و يبص عليهم
خرجت سلمي كانت قمر الكل بيزغرط و مبسوط بيها و البنات هينجننوا من حلاوتها وفستانها
توما…..يلا لفي انتي عشان هو يجيلك بقي
ابتسم تامر وبصلها
تامر…لفي يلا
لفت سلمي وهي قلبها عمال يدق بسرعه
تامر….يا عررريس
ابتسم حسان ولف و بعدين قرب شويه منهم كان مبسوط و متحمس جدا
خد نفس عميق قبل ما يلف و يشوفها و بعدين لف بهدوء و قف قدامها ابتسم و بعدين ضحك ابتسمت سلمي و هي عينها كلها دموع و باين عليها التوتر و اللغبطه جدا باس جبهتها بحب و بعدين ضمها وسط زغاريط كتير
حسان….بهمس ربنا يحميكي يا احلي عروسه في الدنيا
ابتسمت سلمي و خلاص الدموع كانت علي تكه بعد عنها وبصلها بسعاده كانه شايف بنته مسك كفها و لفها ليهم و ضحك
حسان….عروستي
ابتسموا كلهم الشباب بيصفروا والبنات بيزغرطوا
تامر حضنوا و باركلوا
وبعدين راح يجيب ايه بص لسلامه الاول
تامر…..لف وشك
سلامه….بابتسامه طب انجز يلا
دخل تامر لايه توما كان معاها جوه بيظبطلها حاجه بسيطه وخلص
تامر….اااا ادخل
توما…..بضحك ادخل بس سمي و قول ماشاء الله
تامر…. بابتسامه جميله قرب و لف شاف ايه بصلها بحب ماشاء الله ماشاء الله
