لقاء كارثي
لقاء كارثي
تامر…..طيب بطلي عياط خلاص حصل خير بص لسلمي هو انتي محتجاه هتلبسيه ولا انتي جيباه كده وخلاص
ايه….هي جيباه عشان لو حبت تغير الهيلز و تعبت يعني مش هتحتاجه في الاول
سلمي….انتي مالك تحتاجه في الاول ولا الاخر
تامر…..سلميييي خلاص قولنا حصل خير انا هتصرف هروح اجيبهولك تمام كده
سلمي……مش عايزه حاجه خلاص يا تامر هو انا مشكلتي الكوتش ولا مشكلتي اني اعتمدت عليها في حاجه و معملتهاش
ايه…..انتي مشكلتك انك عايزه تتخانقي اصلا و مش لاقيه حاجه تتخانقي و تتلككي عليها
دخلت ليله بسرعه هي والبنات كانوا مع بعض في الاوضه و ريهام نادت عليهم
ليله….في ايه يا بنات؟
سلمي….مجنونه انا هتلكك يا متخلفه انتي
ايه….اتكلمي معايا عدل بقولك
ايمي…..سلمي في ايه
ليله….بطلي عياط وانتي اهدي شويه في ايه
ايه……انا معرفش في ايه عماله تتعصب عليا
سلمي….بتعصب عشان مجنونه صح
تامر….بهدوء سلمي ممكن كفايه بقي قولتلك انا هتصرف و بعدين نسيت محصلش حاجه سهله و بسيطه
ليله….ممكن طيب تفهموني ايه اللي نسيتوه
ريهام……شنطه فيها كوتش يا ليله
سلمي….نغم انا اديتك الكوتش قولتلك ايه
بصتلهم نغم بهدوء.
نغم….قولتيلي اديه لايه تحطه في الشنطه
سلمي…..اهو و الهانم خدته ركنته و خدت كل حاجتها
نغم…..سلمي هي كانت قاعده مع بابا علي السفره بتفطر و حطتوا علي الكرسي يعني اكيد مخدتش بالها
احنا كنا بنجهز بسرعه و هي كانت عماله تعيط عشان بابا وعشان ميلو يعني اكيد مركزتش انا ممكن اروح اجيبه عادي
تامر….بصلها تروحي فين؟ محدش هيروح في حته و انتي بطلي عياط و انتي هجيبلك اللي عيزاه و خلاص بقي كفايه كده هروح اجيبه و هاجي
ليله…..تروح فين انت كمان هتروح كل ده
تامر….طب اعمل ايه يا ليله؟
الشباب خرجوا من اوضتهم مصطفي نادي علي سلامه و عرف اوانهم شادين مع بعض خرجوا بسرعه و راحوا عليهم دخل حسان و سلامه بص سلامه علي ايه لقاها بتعيط
ليله…..هي اصلا مش هتلبسوا الوقت هي جيباه عشان لو تعبت يعني ممكن حمودي يجيبه ولو مستعجله عليه انا هتصل باوبر يروح يجيبه من حمودي و يجبهولك لحد عندك
خلصت خلاص ملوش لزوم كل اللي انتوا عاملينوا ده
ايه…..بدموع لله انا معملتش حاجه اسالي ريهام هي اللي داخله تتخانق
سلمي…..هو انتي مصممه تطلعيني غلطانه
